Kulturimik suliaqarnermut legatinik aningaasaliissutinut ataavartumik qinnuteqalersinnaanermik ammaaneq

Naalakkersuisut matumuuna nalunaarutigissavaat, Kulturimik sulialinnut legatinik aningaasaliissutinut eqqumiitsuliortut ataavartumik qinnuteqarsinnaanerat ammaaffigineqartoq.

Maannamut, Kulturimik sulialinnut legatitut aningaasaliissutinut qinnuteqaatinik suliaqarneq piffinni aalajangersimasuni pisaraluarpoq; 15. januar, 1. maj aamma 1. september.

Covid-19-ip kingunerisaanik, eqqumiitsuliortorpassuit isertitaqarfissatut periarfissatik annaavaat. Isiginnaartitsisartut, nipilersortartut, qitittartut, filmiliortartut, atuakkiortut eqqumiitsuliortullu tatisimaneqangaatsiarput, corona-virusi peqqutigalugu aaqqissuussat, isiginnaagassiat, saqqummersitsinerit, katersugaasiviit, filminik saqqummersitsinerit kiisalu appisimaartarfiit nuna tamakkerlugu matuneqarmata.

Kultureqarnermut Naalakkersuisup, Ane Lone Baggerip, eqqumiitsuliortut kattuffii isumasioreerlugit, eqqumiitsuliortut, isertitaqarsinnaanermut periarfissaminnik annaasaqartut, Kulturimik sulialinnut legatitut aningaasaliissutit, siuliani taaneqartut ullut killeritinneqartut avataatigut, qinnuteqarsinnaanerinik periarfissippai, eqqumiitsuliaminnik suliaqarsinnaaqqullugit. Kulturimik sulialinnut legatinik aningaasaliissutinik tapiinermi piumasaqaataasut sinneri suli atuupput.

Kulturimik sulialinnut legatitut aningaasaliissutaat pillugit paasissutissat, qinnuteqarnermilu immersugassaq www.sullissivik.gl –imi nassaarineqarsinnaapput.

Paasisaqarnerorusukkuit Ilinniartitaanermut, Kultureqarnermut Ilageeqarnermullu Naalakkersuisoqarfik ugguuna attavigineqassaaq ikin@nanoq.gl