Upernaviup illoqarfiani qilalukkanik qernertarniarneq unitsinneqarallarpoq pisarineqarsimasut nalunaarutigineqartut amigarmata

Aalisarnermut, Piniarnermut Nunalerinermullu Naalakkersuisoqarfiup (APNN) Aqutsiveqarfik Upernavik-miit qernertanik qilalukkanik pisarineqarsimasunit nalunaarutit katillugit arfinillit tigusimavai, taakkunannga tallimat Upernavimmiit ataaserlu Aappilattumiit. Aqutsiveqarfik Upernavik tamakkerlugu 38-inik pisassaqarpoq, taakkunannga Upernaviup illoqarfittaanut qulit.

Nalunaarutigineqarpoq ippassaq unnukkut, unnuaq aammalu maannakkut suli piniarneq ingerlanneqartoq.

Naalakkersuisut januarip aappaani ataatsimiinnermini aalajangerpaat qaqortanik qernertanillu qilalugarniarneq sukannernerusumik nakkutigineqassasoq.

Taamaattumik Upernaviup illoqarfittaanut tunngasumik qernertarniarneq ulloq 23. april nalunaaqutaq unnuap qeqqaniit unitsinneqarallassaaq, APNN-imi ippassaq unnukkut unnuarlu pisaasimasinnaasunit nalunaarutinik tamanit tigusaqarnissaanut. Pisanut nalunaarutit piaarnerpaamik APNN-imut nassiunneqassapput kingusinnerpaamillu 24. april nal. 12.00.

Upernaviup illoqarfittaani qernertartassat tamakkerneqarsimappata ukioq manna qernertarniarneq unitsivinneqassaaq. Pisassiissutilli suli sinneqarsimassappata qernertarniarneq ammaqqinneqassaaq periarfissaq siulleq atorlugu, tamannalu APNN-imiit nalunaarutigineqarumaarpoq.

Periutsip assinga aqutsiveqarfinni allani atorneqassaaq, aammalu Aqutsiveqarfik Sisimiut-ni qaqortarniarnermi iluatsilluartumik atorneqarsimalluni.



Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl