Naqqiissut

Allaaserisaq ”Aningaasaqarnermut naalakkersuisoq: Nammaqatigiitta”, www.knr.gl-ikkut arfininngornermi marsip ulluisa 28-anni saqqumersinneqartumut naqqiissut

Allattoq Ineqarnermut Attaveqaqatigiinnermullu Naalakkersuisoqarfik

Allaaserisami allassimavoq, Sanaartugassanut Iluarsagassanullu Aningaasaateqarfik Ineqarnermut Attaveqaqatigiinnermullu Naalakkersuisoqarfiup, Naalakkersuisup Karl Frederik Danielsenip oqartussaaffigisaata ataani inissisimasoq.

Tamanna ilumuunngilaq. Illuliassanik sanaartugassanillu, Sanaartugassanut Iluarsagassanullu Aningaasaateqarfimmi sanaartugassanut aningaasaliiffiusussanut ilanngunneqartunik aqutsinissamut tulleriiaarinissamullu akisussaaffiit oqartussaasuni ataasiakkaani inissisimapput.

Tassalu illuliassat sanaartugassallu, Naalakkersuisup Karl Frederik Danielsenip oqartussaaffiata ataaniittut taamaallaat ineqarnermut attaveqaatinullu, taakkununngalu 2020-mut Aningaasanut Inatsit naapertorlugu aningaasaliissutaasunut tunngasuupput. Tamanna aamma oqartussaaffinnut allanut atuuppoq.

Sanaartugassanut Iluarsagassanullu Aningaasaateqarfik pingaarnertut Missingersuutinut Inatsimmi maleruagassiuunneqarpoq. Ukiumoortumik Sanaartugassanut Iluarsagassanullu Aningaasaateqarfimmi suliat Nuntta Karsiata Naatsorsuutaanut, Aningaasaqarnermut Naalakkersuisup akisussaaffigisaanut ilanngullugit naatsorsuusiorneqartarput.

Annertunerusumik paasisaqarusunnermi Ineqarnermut Attaveqaqatigiinnermullu Naalakkersuisoqarfik box909@nanoq.gl aqqutigalugu attaveqarfigineqassaaq.