Pisortanit Digitalimik Allakkat kinguartinneqartut

Kalaallit Nunaanni innuttaasut 15-ileereersimasut tamarmik ulloq 1. apriili 2020 aallarnerfigalugu Pisortanit Digitalimik Allagarsisalernissamut pisussaaffeqalertussaagaluarput. Ulluliineq tamanna ukiup ingerlanerani kingusinnerusukkut pisussanngorlugu kinguartinneqarpoq.

 

Pisortanit Digitalimik Allakkat pillugit suliniummik suliaqartut COVID-19-imut tunngatillugu pisunut ataqatigiissinissaq massakkut sulissutigaat. Ullormik kinguartitsinermut kommunenut maanna ulapiffioqisunut qajassuussinermik aamma pissuteqarpoq. Immikkut ittumik atugaqartoqarnera pissutigalugu innuttaasut qaqugu Pisortanit Digitalimik Allagarsisalernissaat pissanersoq suli nalunarallarpoq. 

 

Pisortanit Digitalimik Allakkanik aaqqiissutissamik atuutsitsilerniarluni sulineq kinguaattoornertaqanngitsumik ingerlaannassaaq. Pisortani Digitalimik Allakkanik aaqqiissummut ikkunneqarnissaq siunertaralugu pisortani oqartussaasut Digitalimik Sullissinermut Aqutsisoqarfimmut attaveqarnissaat taamaammat innersuussutigineqarpoq.

 

 

Paasisaqarnerorusuttut Digitalimik Sullissinermut Aqutsisoqarfimmi pisortaq Katrine Hjelholt Nathanielsen attavigisinnaavaat, oqarasuaat +299 34 59 70 imaluunniit e-mail digitalpost@nanoq.gl

 

 

Pisortani Digitalimik Allakkat pillugit uani paasisaqarnerusinnaavutit:

https://www.sullissivik.gl/Emner/Digital-post/Digital-Post?sc_lang=kl-GL

 

Pisortani Digitalimik Allakkat pillugit siusinnerusukkut nutaarsiassat:

https://naalakkersuisut.gl/kl-GL/Naalakkersuisut/Pisut/2019/08/1508_Digital-post-fra-det-offentlige  https://digitalimik.gl/Emner/Digitale%20Loesninger_B/ODP/Digital%20post%20fra%20det%20offentlige?sc_lang=kl-GL

 

Pisortani Digitalimik Allakkerineq pillugit Inatsisartut inatsisaat nr. 14, 8. juni 2017-imeersoq:

http://inatsisit.gl/Lov?rid=%7b3B6573DF-50AE-4599-BF97-29BD062A6E28%7d&sc_lang=kl-GL

 

Pisortani Digitalimik Allakkerinermut ilanngunnermit inunnik pisussaajunnaarsitsineq pillugu Namminersorlutik Oqartussat nalunaarutissaatut siunnersuummik tusarniaaneq:

https://naalakkersuisut.gl/kl-GL/Tusarniaanerit/Tusarniaanerit-pereersut/2020/fritagelse-af-fysiske-personer-fra-tilslutning-til-Offentlig-Digital-Post