Misilittagalik ilisimaneqarluartorlu aqutsisussanngortinneqarpoq

Misilittagalik ilisimaneqarluartorlu Inuussutissarsiornermut, Nukissiuuteqarnermut, Ilisimatusarnermut Suliffeqarnermullu aqutsisussanngortinneqarpoq

Naalakkersuisut Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmi Naalakkersuisoqarfimmi pisortatut atorfik Isak Nielsen Kleistimut neqeroorutigineqassasoq aalajangerpaat. Isak Nielsen Kleist Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmi ullormi 1. maj 2020 naalakkersuisoqarfimmi pisortatut atorfinissaaq.

  • Isaap suleriutsit suliassaqarfiillu ilisimavai naalakkersuisoqarfiullu suliassaqarfiit akisussaaffigisai siunissamullu pilersaarutai ilisimaarilluarlugit, tamanna ilaatigut pissutigalugu Isaap suleqatiginissaa qilanaaraara oqarlungalu; Namminersorlutik Oqartussanut tikilluaqqigit, Naalakkersuisoq Jess Svane oqarpoq.

 

Isak Nielsen Kleist Namminersorlutik Oqartussani kommunillu ingerlatsiviini sulisimanermigut misilittagaqarpoq. Tassunga ilanngullugit suliassaqarfinni inuussutissarsiornermut, nukissiuuteqarnermut suliffeqarnermullu tunngasuni aqutsisutut atorfinni arlalinni atorfeqarsimavoq. Isak Nielsen Kleist kingullermik Kommuneqarfik Sermersuumi Isumaginninnermut Suliffissaqartitsinermullu Ingerlatsivimmi pisortaasimavoq.

  • Suliassaqarfinni politikkiliornissamut eqeersimaartumik peqataalernissara siunissarlu ungasinnerusoq eqqarsaatigalugu pilersaarutinik aallartitsinissaq qilanaaraakka. Aamma naatsorsuutigaara angerlartutut misigisimassallunga taamaattumik matukkut iserniariutigalugu suliassanik aallartitsinissara piareersimaffigaara, Isak Nielsen Kleist oqarpoq.
  • Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmi Naalakkersuisoqarfimmi pisortatut atorfimmut qinnuteqartut katillugit 17-iusimapput.
  • Piffissaq Namminersorlutik Oqartussani ukiorpassuarni sulisimasumik qullersatut ilisimaneqarluartumik, tassa Naalakkersuisoqarfiup pisortaanik Jørn Skovimik inuulluaqqusineq immikkuullarissuuvoq. Taamaattumik tamanna ilutigalugu Jørn Skovip ukiorpassuarni suliaanut sulianullu anguniagalimmik periuseqarsimaneranut qujaffigerusuppara, Naalakkersuisoq Jess Svane oqarpoq.