Pisariaqartumik angalanissanut qinnuteqarnissamut periarfissat

Kalaallit Nunaanni aamma Kalaallit Nunaannut Kalaallillu Nunaanniit timmisartut umiarsuillu atorlugit angallassinerit tamarmik, coronavirusip siammariartornera pissutigalugu unitsikkallarneqarnikuupput. Piffissami tassani upalungaarsimatitanik pilersitsisoqarsimavoq, taakku angalanermi siunertat pingaartitat arfinillit aallaavigalugit ilaasunik angallassisinnaapput.

Angalasinnaasutut isigineqassagaanni, angalanermi siunertat pingaartitat arfinilllit ilaat ikinnerpaamik ataaseq eqquutsinneqarsimasussaavoq.

Pingaartitat tassaapput:

  1. SAR aamma nakorsaasersuinikkut angallassigasuarnerit
  2. Peqqinnissaq tunngavigalugu napparsimasunik sulisunilluunniit angallassineq imaluunniit usinik assartuineq, nalunaaquttap akunnerisa 36-it iluanni isumagineqartussat.
  3. Sillimasussat attaveqaatillu ingerlaannarnissaat anguniarlugu oqartussaasut/suliffeqarfiit inuiaqatigiinnut pingaarutillit sulisuinik assartuineq usinillu assartuinerit pingaarutillit.
  4. Meeqqanik (18-it inorlugit ukiullit) angajoqqaamut angajoqqaatut oqartussaassuseqartumut ataasiinnaasumut ataatsimoortitsilerneq.
  5. Sulisunik angerlartussanik imaluunniit sulilertussanik angallassineq, matumanili suliffeqarfik angalanissap kinguartinneratigut/sulisut tikinnerisigut ingerlaannarsinnaatillugu.
  6. Inuiaqatigiinnut tunngatillugu suliffimmut atatillugu angalanerit allat pingaarnersiuinernut siuliani taaneqartunut ilaanngitsut.

Innuttaasutut, pisortatut oqartussaasutut imaluunniit suliffeqarfittut angalanissaq pillugu qinnuteqarnissat kissaatigukku taama iliorsinnaavutit uani:

https://www.sullissivik.gl/Emner/Transport_og_rejser/Ansoegning-om-rejser-i-og-til-Groenland?sc_lang=kl-GL&mupid=Sermersooq

***

Annertunerusumik paasisaqarusukkuit:  Vicepolitiinspektør Rune Simon Nielsen +299 52 21 07