Aasaanerani nalunaaqutaq

Kitaani aasaanerani nalunaaqutaq arfininngornermi ulloq 28. marts 2020 nal. 22.00 atuutilissaaq, taamaammat unnukkut 22.00 nallerpagu 23.00-imut siuartinneqassaaq. Kitaani aasaanerani nalunaaqutaq 2020-imi oktobarip 24-ata tungaanut atuutissaaq.

Ittoqqortoormiini aasaanerani nalunaaqutaq sapaammi ulloq 29. marts 2020 nal. 00.00 atuutilissaaq, nalunaaqutarlu nal. 01.00-imut siuartinneqassalluni. Ittoqqortoormiini aasaanerani nalunaaqutaq 2020-imi oktobarip 25-ata tungaanut atuutissaaq.

Pituffimmi sakkutooqarfimmi Danmarkshavn-imilu aasaanerani nalunaaquttap atuutsinneqarnissaanut tunngasumik aalajangersaasoqarneq ajorpoq.

Nalunaaquttap aasaanerani siuartinneqartarnera pisarpoq aasaanerani nalunaaquttap atornerata aalajangersarneqarnera pillugu Namminersorlutik Oqartussat nalunaarutaat nr.15, 20. oktober 2009-meersoq najoqqutaralugu.

Ukiuni 2021-imiit 2025-mut aasaanerani nalunaaquttap atuuffissai:

Ukioq

Kitaani ullut atuuffissai

Ittoqqortoormiini ullut atuuffissai

2021

27.03 – 30.10

28.03 – 31.10

2022

26.03 – 29.10

27.03 – 30.10

2023

25.03 – 28.10

26.03 – 29.10

2024

30.03 – 26.10

31.03 – 27.10

2025

29.03 – 25.10

30.03 – 26.10