Qeqertarsuup Tunuani ilaasunik angallassinermi kiffartuussinermut isumaqatigiissummik pitsannguineq

Kiffartuussinermik isumaqatigiissuteqarfiusuni ilaasunik angallassinermik nukittorsaaniarluni sulinermut ingerlaavartumut atatillugu, Qeqertarsuup Tunuani qulimiguulik ilassutaasoq AS350 2020-mi januaarimi aamma februaarimi angallassitinneqarpoq.

Qulimiguulimmik ilassuteqartoqarneratigut ornitassanut arlalinnut aallartartut ilaneqarsinnaalerput. Tamatuma saniatigut qulimiguulik ilassutaasoq peqqutaalluni angallannermut pilersaarut eqaannerulersinneqarpoq, taamaalillunilu ilaasut ukiup aallartinnerani sila peqqutigalugu kinguaattoortut sukkanerusumik ornitassaminnut apuunneqarsinnaasimapput.

Ineqarnermut Attaveqaqatigiinnermullu Naalakkersuisoq Karl Frederik Danielsen oqarpoq:

”2020-mut Aningaasanut Inatsisip akuersissutigineqarneratigut Naalakkersuisut kiffartuussinermut isumaqatigiissutini pitsannguinernik arlalinnik qulakkeerisinnaalerput. Nuannaarutigaara pitsannguinerit Qeqertarsuup Tunuani innuttaasunut iluaqutaasinnaammata”.

Annertunerusumik paasisaqarusunnermi Ineqarnermut Attaveqaqatigiinnermullu Naalakkersuisoqarfik box909@nanoq.gl aqqutigalugu attaveqarfigineqassaaq.