Ilinniartitsisut AK-imi ilaasortat akissarsiaasa qaffaavigineqarnissaat

Ilinniartitsisut Atorfillit kattuffianni (AK) ilaasortat aningaasarsiaasa qaffaataat 8.000 kr.-iusut februarimi aningaasarsianut ilanngullugit tunniunneqassapput

Aningaasarsianut aaqqiissutissat assigiinngisitaartuupput ilinniarfinnut immikkoortunullu assigiinngitsunut agguataarsimallutik. Taamaattumik aningaasarsiat tunniunneqartinnagit kukkunnginnissaq anguniarlugu mianersoqqissartumik suliarineqartariaqarsimallutik. Aningaasaqarnermut Sulisoqarnermullu Aqutsisoqarfiup (ASA) januarip naajartulernerani AK ilisimatippaa akissarsianut aaqqiissutissat tunniunneqarnissaat qaammammik ataatsimik kinguartoortussanngortoq. AK-mik januarip ingerlanerani attaveqartarnerit saniatigut Aningaasaqarnermut Sulisoqarnermullu Aqutsisoqarfiup ilisimatitsissuteqarnissaq siunertaralugu AK tallimanngornermi 7. februar ataatsimeeqatigaa, tassanilu akissarsianut aaqqiissutissat annikitsualuttortai ilanngullugit nassuiaatigineqarlutik. Isumaqatigiissutit naapertorlugit aningaasarsianut aaqqiissutissat qaqugukkut tunniunneqartarnissaat Sulisoqarnermut Aningaasaqarnermullu Aqutsisoqarfiup nittartagaanni www.asa.gl-imi aningaasarsiat aaqqiiffigineqarnissaat pillugit paasissutissat ataanni ingerlaavartumik takuneqarsinnaapput.

Annertunerusumik paasisaqarusukkuit aqutsisoqarfimmi pisortaagallartoq Rikke Skram-Skudsbøl mail risk@nanoq.gl imaluunnit oqarasuaat + 299 52 09 50 aqqutigalugit attavigineqarsinnaavoq.