Ilulissat mittarfiata sanaartorneqarnissaanut qaartitseqqaarneq

Naalakkersuisoq Karl Frederik Danielsenip oqaatigaa:

”Pingasunngorneq januaarip 29-ani ulloq nuannersoq pivoq, tassami Ilulissani mittarfiup sanaartorneqarnissaa malunnartinneqarmat.

Tamanna pivoq Paalu Thomsen qulingiluanik ukiulik aamma Felix Larsen arfinilinnik ukiulik Naalakkersuisoq Karl Frederik Danielsen peqatigalugu qaartitseqqaarnermi toorsimmata Naalakkersuisut Siulittaasuata Kim Kielsenip peqataaffigisaani.

Aamma nalunaarutigineqarpoq Qaqortumi mittarfiliornissamut suliariumannittussarsiuineq 2020-imi januaarip 31-ani aallartinneqartussaasoq.”

Annertunerusumik paasisaqarusunnermi Naalakkersuisup allattaa Anders Samuelsen ansa@nanoq.gl aqqutigalugu attaveqarfigineqassaaq.

 

Naalakkersuisullu Karl Frederik Danielsenip oqalugiaataa uani atuarneqarsinnaalluni.