Sirius patruljip erfalasorput atulernissaat pillugu danskit naalakkersuisa oqaaseqaataat

Januarip aallartinnerani danskit naalakkersuisuisa Sirius patruljemi tunup avannaarsuani qimussimik angalasarnerminni danskit erfalasuat kisiat atornagu kalaallit erfalasuat ilannguttalerusullugu oqaatigisimavaat.

Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisup tamanna pillugu ima oqaaseqarpoq:
”Iluarinarpoq Danskit naalakkersuisuisa Sirius patruljemi tunup avannaarsuani qimussimik angalasarnerminni erfalasutta atornissaa siunertarimmassuk. Pissusissamisoorpormi erfalasorput nunatsinni atorneqassasoq.”

Danskit naalakkersuisa siunnersuutaata takutippaa danskit naalakkersuisoqatigiinnermut isumaqatigiissummi ilanngussaat naalagaaffeqatigiit akornanni naligiimmik ataqqeqatigiillunilu peqatigiinnissaq siunertaralugu ingerlakkaat.

Ilutigalugu Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisup oqaatigaa:
”Siunertaat pimoorunneqassappat erfalasorpullu atorneqartalissappat takutitsissaaq Sirius patrulje Kalaallit Nunaanni inuaqatigiinnut akuusoq. Qilanaaraara inuusuttortagut erfalasorput atorlugu Sirius patruljemi peqataasalernissaat.”

Kalaallit erfalasuat ilannguttalerneqassappat takussutissaq isumalerujussuussaaq. Tassami nunami namminermi nunani assigiinngitsuniluunniit suliniutit Kalaallit Nunaannut tunngappata tassunga atatillugu erfalasorput atorneqartarnissaa pissusissamisoorami.

Annertunerusumik paasisaqarusukkussi: Naalakkersuisumut Allatsi Rosa Thorsen + 299 553303, rosath@nanoq.gl