Aalisartunut piniartunullu nersornaasiisoqarpoq

Carl Egede-p Aningaasaateqarfiata siulersuisui 5. december 2019 ataatsimiinnerminni aalisartut piniartullu utoqqalisut aammalu aalisartutut inuutissarsiornermi maligassiuisunut nersorinninniarput.
Nersornaaserneqartut najukkaminni aalisartut piniartullu peqatigiiffiinit kommunalbestyrelsillu innersuussinerisigut siunnersuutaapput.

Angutit arfinillit nersornaaserneqarput tamarmik 10.000,- koruuninik aningaasartalinnik

Aningaasaateqarfiup siunertaraa ikiorsiisarnissaq inunnut Kalaallit Nunaanni najugaqartunut tassaniluunniit najugaqarsimasunut ukuusunut:
  1. Aalisartut piniartullu ajunaarsimasut kinguaavinut,
  2. aalisartutut piniartutullu inuutissarsiornermi maligassiuisunut,
  3. aalisartunut piniartunullu utoqqanngortunut,
  4. aalisartunut piniartunullu inuutissarsiortillutik ajoqusertunut,
  5. aalisartutut piniartutullu inuutissarsiornermi maligassiuisuusimasut toqusut eqqaassutissaannut,
  6. immikkut pissutissaqartillugu aalisartut piniartullu, pingaartumik inuusuttut, aningaasaateqarfiup siulersuisuisa isumaat malillugu ikiorserneqarsinnaapput.
Nersornaaserneqartut ukuupput:
  • Nukarleq Lars Lindenhann, Sisimiut
  • Karl Jeremiassen, Aasiaat
  • Ulrik Inûsugtok`, Attu
  • Hans Henrik Broberg, Qeqertaq
  • Gustav Simigaq, Qaanaaq
  • Andreas Ingemann, Kuummiit
Nersornaatit ullukinnersiornermi 21. december, nalliuttorsiorpalaartumik najukkami kommunip allaffiani imaluunniit nunaqarfimmi aqutsisut allaffianni tunniunneqassapput.

Carl Egedep Aningaasaateqarfiata siulersuisui, tassaapput Aalisarnermut, Piniarnermut Nunalerinermullu Naalakkersuisoq, Jens Immanuelsen, KNAPK-p siulittaasuata tullia Karl Tobiassen

Attavigineqarsinnaavoq: Johanne Jeremiassen, Aalisarnermut, Piniarnermut Nunalerinermullu Naalakkersuisoqarfik Email: jjer@nanoq.gl