Aqutsiveqarfik Qeqertarsuup Tunuani qaleralittassiissutit ilaneqarput

Naalakkersuisut ullumi decembarip 17-ianni 2019-imi aalajangerpaat aqutsiveqarfimmi Qeqertarsuup Tunuani sinerissap qanittuani qaleralinnik 2019-imi pisassiissutit 500 tonsinik ukiup sinnerani aalisarneqartussanik ilaneqassasut.

Umiatsiaaqqamik aalisartut pisassiissutigineqartut qassutinik aalisassanngilaat.

Aalisarsinnaanermut akuersissutit pisassiissutillu pillugit nalunaarut naapertorlugu aalisariutinut pisassiissutigineqartut aappaagu pisassiissutinut nalinginnaasutut nuunneqarsinnaanngillat.

Pisassanik agguaassineq imaappoq: umiatsiaaqqanut 46 procentit, 234 tonsit, aalisariutinut 53 procentit, 266 tonsit.

Qaleralittassiissutit ilaneqarnerinut pissutaavoq Qeqertarsuup Tunuani sinerissap qanittuani umiatsiaararsorluni sinerissap qanittuani ukiumut pisassiissutit novembarip arfineq pingajuanni 2019-imi tamakkerlugit aalisarneqareermata.

Ilassutigineqartut aqutsiveqarfimmut Qeqertarsuup Tunuanut ukioq manna pisassiissutit katillugit 11.080 tonsiulerput, ilisimatuussutsikkut siunnersuutigineqartut 116 procentinik qaangerneqarlutik. Ilisimatuussutsikkut siunnersuutigineqartut 5.120 tonsiupput.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Birgitte Jacobsen. E-mail: bija@nanoq.gl