Januaarip aallaqqaataanit 2020-mi sivisunerusumik angajoqqaatut sulinngiffeqarneq

Januaarip aallaqqaataani 2020 angajoqqaatut sulinngiffeqartarneq pillugu malittarisassat nutaat atuutilissapput. Angajoqqaat angajoqqaatut sulinngiffeqarsinnaatitaanerat malittarisassat nutaat malillugit sapaatit akunnerinik sisamanik sivisunerulissapput.

Angajoqqaat tamarmik januaarip aallaqqaataanit 2020-mit sulinngiffeqartut kingusinnerusukkulluunniit sulinngiffeqarnermik aallartitsiniartut malittarisassanut nutaanut ilaapput.

Angajoqqaanngorlaatulli immikkut eqqumaffigisassaq tassaavoq naartunermi, erninermi meeravissiartaarnermilu sulinngiffeqartarneq pillugu Inatsisartut inatsisaanni malittarisassat allat suli atuummata. Akissarsiaqarluni sulisartut qaqugu sulileqqinnissamik naatsorsuuteqarnerluni sulisitsisuminnut ilisimatitsisussaatitaanerat, tamassumunngalu killigititat pillugit malittarisassat immikkut maluginiassallugit pingaartumik pingaaruteqarpoq.

Peqannginnissaatitaanissap sapaatit akunnerinik sisamanik ilaneqarnera malittarisassat nutaat taamaallaat tamatumunnga tunngassuteqarput, angajoqqaatut sulinngiffeqarnermi akissarsiaqartitaanissamut imaluunniit ullormusiaqartitaanissamut tunngatillugu allannguisoqanngilaq.

Paasissutissat sukumiinerusut pillugit attavissaq, immikkoortortami pisortaq Trine Foldager, mailikkut: trif@nanoq.gl imaluunniit oqarasuaatikkut + 299 34 66 33