Aalisarneq pillugu Isumalioqatigiissitaq ataatsimiititsissaaq

Aalisarneq pillugu Isumalioqatigiissitap aalisarneq pillugu inatsisissamik piareersaaneq pillugu oqalisissiatut saqqummiussaa

Naalakkersuisut februaarimi 2019-imi Aalisarneq pillugu Isumalioqatigiissitamik pilersitsipput, aalisarneq pillugu inatsisissamut nutaamut inassuteqaatinik tunniussaqarnissamut suliassaqartumik.

Aalisarneq pillugu Isumalioqatigiissitap siunnersuutaanit inuiaqatigiit aalisakkanik isumalluutitsinnit ataatsimoorussaasunit sapinngisamik annerpaamik pissarsinissaat qulakkeerinneqataaffigineqassaaq.

Aalisarneq pillugu Isumalioqatigiissitap sulinera juunimi 2020-mi inaarneqassaaq isumaliutissiissummik inaarutaasumik iliuusissatut pilersaarummut ataatsimoortumut inassuteqaatinik siunnersuutinillu imaqartumik.

Aalisarneq pillugu Isumalioqatigiissitaq oqallississiorsimavoq aalisarnermik suliaqarfiup periarfissariligassai unammilligassaalu pillugit oqallinnermik pilersitsisussamik. Oqallinneq Aalisarneq pillugu Isumalioqatigiissitami suleriaqqinnissamut isumassarsiorfittut tunniusseqataassaaq.

Aalisarneq pillugu Isumalioqatigiissitap oqallisissiaanik saqqummiussineq ulloq 12. december 2019

Sumi: Hotel Hans Egede

Piffissaq: 16.30 – 18:00

Hotel Hans Egedemi ataatsimiinnermi tamanut ammasumi toqqaannartumik  nutserisoqassaaq

Tamatuma saniatigut toqqaannartumik internettikkut aallakaatitsisoqassaaq.

Sukuuminerusumik paasisaqarusuttut Aalisarnermut, Piniarnermut Nunalerinermulli Naalakkersuisoqarfimmi inatslleritooq Aksa Sabir attavigisinnaavaat, oqarsuaatikkut 34 50 00-imut sianerlutik, imaluunniit e-mailikkut aksa@nanoq.gl -imut nassitsivigalugu.