Peqqinnissaqarfimmut tunngatillugu akissarsiat atorfeqartitaanermilu atugassarititat nutaamik isumaqatiginninniutigineqarsinnaalerput

Peqqinnissaqarfimmi tjenestemandit akissarsiaasa inissisimaffissaat pillugit isumaqatigiissut maanna atsiorneqarsimalerpoq taamaasillutillu peqqinnissaqarfimmut tunngatillugu 2020-mit ukiuni aggersuni akissarsiat pillugit isumaqatigiissutissat Peqqinnissaqarfimmi sulisut kattuffiisa suleqatigiiffiata aammalu Aningaasaqarnermut Sulisoqarnermullu Aqutsisoqarfimmi Isumaqatiginninniartarfiup akornanni akissarsiat pillugit isumaqatiginninniarnissaat aallartinneqarsinnaalerput.

Peqqinnissaqarfik inuiaqatigiinni inuttaasunut tamanut pingaarutilimmik inissisimavoq.

Tamanna sulisitsisut sulinermillu inuussutissarsiuteqartut kattuffiisa 2020-mit ukiuni aggersuni akissarsiassat pillugit januarimi nutaamik isumaqatiginninnialerpata avaqqunneqarsinnaassanngilaq.

Tassani peqqinnissaqarfimmi sulisut akissarsiaasa suliffimmilu atugassarititai inuiaqatigiillu akissaqartitaanik isumaqatiginninniarnissaq anguniarneqaqqissaaq. Tamanna ajornanngitsutut isikkoqarsinnaagaluarpoq isumaqatiginninniarnerli sivisusinnaavoq. Kingullermik isumaqatiginninniarnerit sivisusimapput.

Isumaqatiginninniarniviimmi kingorna isumaqatigiissutigineqartunik ataatsimoortitsiniarneq aamma sivisuumik ingerlanneqarsinnaasarmat. 2016-imi kingullermik isumaqatiginninniartoqarmat isumaqatigiissut aatsaat 2017-imi kingusissukkut atsiorneqarsinnaasimavoq.  


Tamakku pereermata akissarsiat suliffimmilu atugassarititat pillugit isumaqatigiissutit atuutsilersinneqarsinnaasimapput. Misilittakkat tamakku illuatungeriinnit isiginiarneqarput. Peqqinnissaqarfimmi sulisut kattuffiani siulittaasup Ken Jensenip ASA-mi isumaqatiginninniartarfiup pisortaata Frederik Schmidtip  isumaqatigiissutigaat.

Akissarsiat nalimmassarneqarnissaanik isumaqatigiissutit 2020-p naannginnerani atuutsilernissaat illuatungeriit anginiarpaat. Anguniagaq taanna Peqqinnissaqarfimmi Sulisut Kattuffiisa Isumaqatiginninniartarfiullu akornanni isumaqatiginninniarnissat pillugit kingullermik pitsaasumik oqaloqatiginninnermit tunngaveqarpoq.

 

PKK-imut tunngatillugu akissarsiat inissisimaffissaat pillugit isumaqatigiissut uani atuarsinnaavat http://ppk.gl

Aningaasaqarnermut Sulisoqarnermullu Aqutsisoqarfiup Isumaqatiginninniartarfia aamma isumaqatigiinniarnermut suleriaatsinut tunngasut uani atuarsinnaavatit https://www.asa.gl/Page?PageId=977502568