Nunarput Savalimmiullu 2020-mi aalisarnissaq pillugu isumaqatigiipput

Stemningsbillede Nunarput Savalimmiullu nunatta aalisartuisa Savalimmiut imartaanni aalisarnissaannut aamma savalimmiormiut aalisartuisa nunatta imartaani aalisarnissaannut isumaqatigiissuteqarput.

Atorfilittatigoortumik Københavnimi ulluni marlunni isumaqatigiinniartoqareersorlu illuatungeriit isumaqatigiissutigaat maannakkut isumaqatigiissutaasoq 2020-imut atuuttussanngorlugu ingerlateqqinneqassasoq, ima allannguuteqartillugu:

Nunatta Savalimmiut imartaanni aalisagartassai allanngortinneqassanngitsut. Savalimmiormiut Tunumi qaleralittassaat 100 tonsinik ikilineqassasut, Tunumi saarullittassaat 175 tonsinik ilaneqarlutik. Tabelimi allassimasut takukkit.

Nunatsinni aalisariutaatileqatigiit namminersorlutillu inuussutissarsiortut sinniisui isumaqatigiinniarnernut peqataasut aamma Aalisarnermut, Piniarnermut Nunalerinermullu Naalakkersuisoqarfik naliliipput aalisarneq pillugu savalimmiormiunut isumaqatigiissutigineqartoq naammagisimaarnartoq.

Suuneri

Nunarput Savalimmiut imartaani (tons) 

Savalimmiormiut nunatsinni (tons)

Saarullernat

13.500

 

 

6.290 (NEAFC-imut pisassiissutinit pisarineqarsinnaasut) 

 

Ammassassuit

3.200

 

Qalerallit (Kitaata Avannaani)

 

 100

Qalerallit (Tunumi)

 

 225

Saarulliit (Tunumi)

 

 1.500

Brosme (Tunumi)

 

 475

Saattuassat (Tunumi)

 

 500


Attavigineqarsinnaasoq: Aalisarnermut, Piniarnermut Nunalerinermullu Naalakkersuisoqarfimmi immikkoortortaqarfimmi pisortaq Emanuel Rosing. E-mail: emro@nanoq.gl

Assimiittut tassaapput aallartitat siulersortaat, 2010-mullu isumaqatigiissummut atsiortut: Emanuel Rosing, Aalisarnermut, Piniarnermut Nunalernermullu Naalakkersuisoqarfik, aamma Andras Kristensen, Savalimmiuni aalisarnermut ministeriaqarfimmeersoq.