Qilalukkanik qaqortanik 2019-mut pisassiissutit sinneruttut paggatassiissutigineqartut

Stemningsbillede Aalisarnermut, Piniarnermut Nunalerinermullu Naalakkersuisup Jens Immanuelsenip aalajangerpaa qilalukkanik qaqortanik pisassiissutit sinneruttut, novembarip 25-ia nallertoq 295-iusut, 2019-mi novembarip 29-ianiit atuuttumik Qaanaamiit Nanortalik ilanngullugu paggatassiissutigineqassasut.

Pisassiissutit sinneruttut paggatassiissutigineqarnerat inunnut atuuttumik piniarnermut allagartalinnut 2019-mi qilalukkanik qaqortanik piniarnissamut akuersissummik qinnuteqarsimasunut tunineqarsimasunullu atuuppoq.

Qilalukkanik qaqortanik 2019-mut pisassiissutit katillugit 320-iupput, 2018-miit pisarinngitsuukkat 112-it ilanngullugit. Novembarip 25-ia nallertoq 2019-mi qilalukkat qaqortat 137-it pisarineqartutut nalunaarugitigineqarnikuupput.

Erseqqissaatigineqassaaq pisarineqartut, pissanneqartut aamma annaanneqartut tamarmik kommuni aqqutigalugu ingerlaannartumik nalunaarutigineqartassasut. Pisanik immersuiffiit kommunimiit ingerlaannartumik Aalisarnermut, Piniarnermut Nunalerinermullu Naalakkersuisoqarfimmut ingerlateqqinneqartassapput.


Sukumiinerusumik paasisaqarusukkaanni attaviguk AC-Fuldmægtig Nuka Møller Lund, Aalisarnermut, Piniarnermut Nunalerinermullu Naalakkersuisoqarfik, Tlf.: +299 34 53 45 aamma E-mail: numl@nanoq.gl