Tammajuitsussanik piniartitsinermi ilisimasortatut pikkorissarneq


Tammajuitsussanik piniartitsinermi ilisimasortatut pikkorissarneq Campus Kujallermiit aaqqissorneqartoq APNN-miillu suleqataaffigineqartoq piffissami novembarip 13-ianit 17-iat 2019 ilanngullugu Kangerlussuarmi ingerlanneqarpoq.

Pikkorissarnermi tammajuitsussanik piniartitsinermi teorii, inatsisitigut nalunaarutit, umimmaat utoqqaassusiornissaat suiaassusiornissaallu, tammajuitsussanik piniartitsinermik pilersaarusiorneq pillugu eqimattani suliaqarneq kiisalu tuttunik umimmannillu tammajuitsussanik asiunaveersitsineq ingerlanneqarput.

Pikkorissartut tamarmik Ilulissaneersut, Sisimiuneersut, Kangerlussuarmeersut, Maniitsumeersut, Nuummeersut, Paamiuneersut, Narsameersut kiisalu Nanortalimmeersut pikkorissarnermi angusipput. Pikkorissartut allagartartaartut tammajuitsussanik piniartitsinermi ilisimasortatut sulinissaq maannakkut periarfissarilerpaat taamaaliornikkullu sulinermi tassani misilittagaqalernissaq.



Tammajuitsussanik piniartitsinermi ilisimasortat nutaat saamerlermiit: Ole Larsen Nanortalik, Niels Sakariassen Narsaq, Dion Christensen Paamiut, Morthen Lyberth Maniitsoq, Jørgen Bourup Sisimiut, Francisca Olsen Kangerlussuaq, René Christensen Nuuk, Susanne Jonathansen Kangerlussuaq, Nikolaj Jensen Nuuk, Rakel Poulsen Kangerlussuaq, Ove Heilmann Grødem Nuuk, MarieBirgithe Enoksen Sisimiut, Jan Hansen Ilulissat kiisalu Sikkersoq Hansen Sisimiut.


Sukumiinerusumik paasisaqarusukkaanni attaviguk AC-Fuldmægtig Nuka Møller Lund, Aalisarnermut, Piniarnermut Nunalerinermullu Naalakkersuisoqarfik, Tlf.: +299 34 53 45 aamma Mail: numl@nanoq.gl