Uummannami innuttaasut tamarmik kuutsitsillutik imersinnaalerput

Pinngortitamut Avatangiisinullu Naalakkersuisoqarfik 22. november 2019-imi nunatsinni nakorsaaneq isumasioqatigereerlugu naliliivoq, Uummannami killerni imermut aqqusersuutit naammaginartumik pitsaassuseqalersut, taamaattumillu imeq imertut imigassatut atorneqarsinnaalerluni.

Taamaalilluni Uummannami imermut aqqusersuutit atorneqarnissaannut killilersuineq tamarmi atorunnaarpoq, aammalu kikkut tamarmik kuutsitsillutik imersinnaalerput.




Nunap assingani Uummannaq tamakkerlugu imermut aqqusersuutit imermut imigassamut atorneqarsinnaalersut takutinneqarput.


Annertunerusumik paasisaqarusunnermi attaveqarfissaq: Pinngortitamut Avatangiisinullu Naalakkersiusoqarfimmi pisortaaneq Mette Skarregaard Pedersen, tlf.: 529844 imaluunniit email: mesp@nanoq.gl