Erik Jensen Naalakkersuisuniit tunuarpoq

Aatsitassanut Suliffeqarnermullu Naalakkersuisoq Erik Jensen Naalakkersuisuunerminiit tunuarnissani kissaatigalu Naalakkersuisut siulittaasuannut Kim Kielsen-imut nalunaaruteqarpoq.

Erik Jensen-ip naalakkersuisuniit namminineq tunuarniarnera Naalakkersuisut siulittaasuata Kim Kielsen-ip tusaatissatut tiguaa:

Aatsitassanut Suliffeqarnermullu Naalakkersuisup Erik Jensen-ip Naalakkersuisuniit tunuarnissaminik nammineerluni kissaateqarnera ataqqivara, tamannalu peqqutigalugu kissaateqarnera tusaatissatut tiguara,” Naalakkersuisut Siulittaasuat Kim Kielsen oqarpoq.

Erik Jensen-ip Naalakkersuisuniit tunuarnerata kingunerisaanik Aatsitassanut Suliffeqarnermullu Naalakkersuisoqarfimmi politikkikkut akisussaaffiit agguarlugit Naalakkersuisuni ilaasortanit allanit akisussaaffigineqalertut Naalakkersuisut siulittaasuat aalajangiivoq.

Aatsitassanut tunngassuteqartut Aningaasaqarnermut Nunanilu Avannarlerni suleqatigiinnermut Naalakkersuisup Vittus Qujaukitsup akisussaaffigissavai, taamaasilluni Aningaasaqarnermut Aatsitassanullu Naalakkersuisunngussalluni.

Suliffeqarnermut tunngasut Inuussutissarsiornermut Nukissiuuteqarnermut Ilisimatusarnermullu Naalakkersuisup Jess Svanep akisussaaffigissavai, taamaasilluni Inuussutissarsiornermut Nukissiuteqarnermut Ilisimatusarnermut Suliffeqarnermullu Naalakkersuisuussalluni.

Tusagassiorfinnut nalunaarutip imarisaanut tunngatillugu apeqqutissallit Naalakkersuisut Silittaasuata allattaa Steve Sandgreen attavigisinnaavaat oqarasuaatikkut 59 66 59 sianerfigalugu. Imaluunniit e-mailikkut stev@nanoq.gl allaffigalugu.