Greenland Science Week: Atuffassineq, Rock Show, ujarassiuumik atorneq



Aatsitassanut Suliffeqarnermullu Naalakkersuisoqarfik, tamanut ammasumik ilisimatusarnermut aaqqissuussamut, Greenland Science Week-imik taasamut atatillugu, sapaatip akunnerini 48-mi 49-milu assigiinngitsunik aaqqissuussiniarpoq. Naalakkersusioqarfiup siunertaraa kikkut tamaasa peqataatinnissaat, geologiimut aatsitassaqarfimmullu tunngassuteqartunik ilisimasaqarnerulernissaq.


Aatsitassanut Suliffeqarnermullu Naalakkersuisoq Erik Jensen: ”Uannut pingaaruteqarpoq innuttaasunut toqqaannartumik attaveqaqatigiinnissaq, ilisimasanillu aatsitassanut tunngasunik paasissutissiinissaq. Taamaattumittaaq attaveqaqatigiinneq ilisimasanillu paasissutissiineq Kalaallit Nunaanni Aatsitassanut Periusissiami ilaatipparput. Neruutigaara, ikinngitsut aaqqissuussatsinnut tamanut ammasunut, Greenland Science Week-imi pisunut, peqataaniarumaartut.”

Aaqqissuussat
Arfininngorneq nal. 13:00 -14:00 Atuffassineq Uja peqatigalugu Nunatta Atuagaateqarfiani. Naalakkersuisoqarfimmeersut meeqqanut atuakkiamit atuffassillutillu erinarsussapput. Maskot-i Uja ujarassiuujusoq aliikkusersueqataaniarpoq.

Sapaat nal. 14:00 – 16:00 Rock Show Nuuk Lokalmuseumimi. Nunatsinneersunik assigiinngitsunik ujaraqarlunilu aatsitassaqassaaq. Kikkut tamarmik ujaraatiminnik nassarsinnaapput, Naalakkersuisoqarfiullu ujarassiuuinut takutillugit.

Ataasinngorneq 2. Dec. – marlunngorneq 3. Dec. Atuarfinni ujarassiuumik immikkullu ilisimasalimmik atorit, taassuma geologii aatsitassarsiornerlu oqaluttuarissavai. Naalakkersuisoqarfiup pisat assigiinngitsut saqqummiussinnaavai, soorlu geologii, misissueqqissaarneq, aatsitassarsiorneq, avinngarusimasumiittumik piiaaffiliorneq imaluunnit Namminersorlutik Oqartussat aatsitassarsiornermut atatillugu malittarisassiaat.

Marlunngorneq 3. Dec. 12:00-13:00 Neriutigaluni ataatsimeeqatigiinneq Nuutoqqami misissueqqissaarnermi aatsitassarsiornermilu periutsinik samminnilluini. Ataatsimiinnermi ilisimasat, piginnaasat, piffissaq, aningaasaliinerlu, taakku aatsitassanik nassaassagaanni pisariaqartut, ukkatarineqassapput. Naalakkersuisoqarfiup taakku periutsit kalaallinut iluaqutaaneri nassuiarniarpai, innuttaasullu tassani inissisimanerat.

Pisut tamarmik kalaallisoorlutillu danskisoortut akeqanngillat, atuffasiineq pinnagu, taannami kalaalisuinnaq pissaaq.

Paasissutissat sukumiinerusut pissarsiariniarukkit attaviguuk: Jørgen T. Hammeken-Holm, pisortaaneq, Aatsitassanut Suliffeqarnermullu Naalakkersusioqarfik. Oqaras.: (+299)346846 E-mail:joeh@nanoq.gl

Programi tamarmi takuneqarsinnaavoq ugguuna: Nuuk Ugeavis sap. ak 48 aamma www.facebook.com/GreenlandMin/.