Akuersissutinik nutaanik tunniussisannginnissaq septembarimi inassutigineqarpoq

KNR.gl radioaviisimi ilanngutassiaq tunngavigalugu novembarip 18-ianni 2019-imi allappoq: “Umiatsiaararsorlutik aalisartunut pisassiissutit aqutsiveqarfimmi 47-mi unitsinneqarnerat, aningaaseriviup aalajangerneranit oqallinnermit qisuariarnertut isigineqarsinnaavoq.” Aningaaseriviup Grønlandsbankenip oktobarip 21-anni aalajangigaa matumani pineqarpoq.

Aningaaserivik umiatsiaararsortunut nutaanut aningaasaleerusukkujumajunnaarluni, isumaqarluni sinerissap qanittuani aalisarneq attanneqarsinnaanngitsoq piujuaannartitsinerlu tunngaviginagu aalisartoqarluni.

Aalisarnermut, Piniarnermut Nunalerinermullu Naalakkersuisoqarfimmit erseqqissarusupparput aqutsiveqarfimmi Qeqertarsuup Tunuani aamma Uummannami umiatsiaaqqamik aalisalerniarlutik akuersissutinik qinnuteqarniartut nutaat unitsinneqanngimmata aningaaseriviup aalajangernera pisuulluni.

Naalakkersuisut septembarimili aallartilaartoq kissaateqarput aqutsiveqarfimmi 47-mi umiatsiaaqqamik aalisarsinnaanermut qinnuteqarniartut nutaat killilersorneqassasut, inassutigineqarluni novembarip 15-iannit 2019-imit aallartittumik aqutsiveqarfimmi Upernavimmi qinnuteqartut aalajangersimasumik najugallit minillugit aqutsiveqarfimmi 47-mi umiatsiaaqqamik qaleralinniarsinnaanermut akuersissutinik nutaanik tunniussisoqassanngitsoq.

Tamanna septembarip 6-ianni 2019-imi pivoq, Naalakkersuisut aqutsiveqarfimmi Qeqertarsuup Tunuani pisassiissutaareersut 2.400 tonsinik ilaneqarmata.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi pisortaaneq, Jørgen Isak Olsen. E-mail: jio@nanoq.gl