Sunngiffimmi tuttunniarneq oktobarip 31-iani 2019-mi unitsinneqarpoq

Matumuuna inussiarnersumik nalunaarutigineqarpoq sunngiffimmi piniarnermut allagartalinnut tuttunniarneq Piniarfik 2-mi, Piniarfik 3-mi, Piniarfik 4-mi aamma Piniarfik 5-mi ullormi oktobarip 31-iani naggataarneqartoq.

 

Sunngiffimmi tuttunniarnermut akuersissutit pisanik nalunaaruteqarnertalimmik Kommunini Innuttaasunut Sullissivinnut ulloq piniarfiusoq kingulliup qaangiunneraniit kingusinnerpaamik ullut 14-it qaangiutsinnagit utertinneqartussaapput – tassalu kingusinnerpaamik novembarip 14-iani 2019. Akuersissutit utertinneqarnissaat pillugu piumasaqaat pisaqarsimanngikkaluaraanniluunniit aamma atuuppoq.

 

Inuussutissarsiutigalugu tuttunniarneq Piniarfik 2-mi, Piniarfik 3-mi, Piniarfik 4-mi aamma Piniarfik 5-mi decembarip 31-ia 2019 ilanngullugu ingerlassaaq tamannalu taamaallaat 2019-muugallartumik atuuppoq.

 

 

Sukumiinerusumik paasisaqarusukkaanni immikkoortortaqarfimmi pisortaagallartoq Nuka Møller Lund attavigiuk, oqarasuaat 34 53 45, e-mail: numl@nanoq.gl