Imartat silallu pissusia pillugit nunani avannarlerni suleqatigiinneq annertunerusoq

Nordiske flag

Naalakkersuisut Siulittaasuat imartat silallu pissusia pillugit nunani avannarlerni ministerit nalunaarutaannut atsiorpoq. Nalunaarut avatangiisinut silallu pissusianut ministerit Stockholmimi ataatsimiinnerannut atatillugu akuerineqarpoq, tassanilu imartanut, silap pissusiinut uumasullu assigiinngissitaarnerinut tunngasorpiaat oqaluuserineqarput.

Nunani Avannarlerni ataatsimut suliniutit

Silap pissusiata allannguutai imartatsinnut sunniipput. Nunani avannarlerni silap pissusianut avatangiisinullu ministerit imartanut suliniutinik nukittorsaaniartut imartat silallu pissusia pillugu ministerit nalunaarutaanni takutinneqarpoq. Ilaatigut silap pissusiata allannguutai qanoq ilillutik imartanut sunniuttarnersut pillugit ilisimasat annertusitinneqarnissaannik qulakkeeriniarluni suliniuteqartoqassaaq.

 

Aamma nunani avannarlerni ataatsimoorluni suliniuteqarnikkut imartani avatangiisit qanoq issusii pillugit annertunerusumik ilisimasaqalernissaq, aammalu imartanut sunniutaanerluttussanut iliuuseqarnissamut piareersimanerulernissaq anguneqassaaq. Tamatuma peqatigisaanik allannguutit najukkani inuiaqatigiinnut, aammalu inunnut immamik pinngitsuuisinnaanngitsunut qanoq sunniuteqartarnersut pillugu ilisimasanik avitseqatigiittarnerup annertunerulernissaa anguniarneqassaaq.

Imartat silallu pissusia pillugu ministerit nalunaarutaat atuaruk, uani.

 

Ministerit nalunaarutaat pingasunngornermi 30. oktober 2019-imi Nunani Avannarlerni Siunnersuisoqatigiit Stockholmimi isumasioqatigiissitsineranni nunani avannarlerni silap pissusianut avatangiisinullu ministerinit atsiorneqarpoq.

 

Annertunerusumik paasisaqarusunnermi attaveqarfissaq:

Pinngortitamut Avatangiisinullu Naalakkersuisoqarfimmi pisortaaneq
Mette Skarregaard Pedersen Tlf.: 529844 E-mail:
mesp@nanoq.gl