Inatsisartunut allakkat ammasut

Savaateqarfik

Oqaaseqaat Aalisarnermut, Piniarnermut Nunalerinermullu Ataatsimiitsitaliamut Inuussutissalerinermut aamma uumasut nakorsaqarnerannut tunngasunut suliassaqarfiup tamakkiisumik tiguneqarnissaat pillugu isumaliutissiissutaanut

Asasagut Inatsisartunut ilaasortat,

Aalisarnermut, Piniarnermut Nunalerinermullu Ataatsimiitsitaliaq (Ataatsimiitsitaliaq) Inuussutissalerinermut aamma uumasut nakorsaqarnerannut tunngasunut suliassaqarfiup tamakkiisumik tiguneqarnissaat pillugu 11. oktober natsisartuni aappassaaneerneqarnissaanut isumaliutissiissummik tunniussaqarput.

Naalakkersuisut Ataatsimiitsitaliamut nassuiaateqarnerminni inassutigaat tamakkiisumik tigusinissamik aaligiisoqassanngitsoq nutaanik paasissutissanik nutarterisoqartinnagu taavalu sukumiinerusumik allaaserinnittoqartinnagu aningaasatigut taavalu aqutsinermut kingunissaat qulaajaqqaartinnagit.

Ilaatigut Naalakkersuisunit innersuunneqarpoq annertuumik kalluaasoqarsinnaaneranik taamatut inuussutissalerinermik aqutsinerup tigunerani Kalaallit Nunaanni aalisakkanik avammut niiverneput eqqarsaatigalugu, iluamik eqqarsarluanngikkaanni.

Taamaakkaluartoq, Ataatsimiitsitaliaq isumaliutissiissumminni tamakku ajoqutaasinnaasut unammillernarsinnaasullu, taamatut tigusinermi ilaasussut, Naalakkersuisullu siunnersuutaat iluasaartumik misissueqqaartoqassasoq tamanna Inatsisartunut aaliaginnginnermi tusaajumanagit.

Aalisarneq pillugu Siunnersuisooqatigiit ullumi ataatsimiinnerminni suliaq eqqartorpaat, taavalu Inatsisartuni ilaasortat kaammattorumavai Ataatsimiitsitaliaq allannguutissatut siunnersuutaat, Naalakkersuisut peqquneqassasut inuussutissalerineq Uumasullu nakorsaqarneq tamakkiisumik tigussagaat, itigartitsissutigissagaat.

Taama suliassaqarfimmik ajornakusoortigisumik tigusinissamik aaliagiisoqartariaqanngilaq, imartuumik suliassaqarfik pillugu nalunaarusiortoqarsimatinnagu, siunertaanik taavalu anigaasaqarnikkut, avammut niuernikkut taavalu allat nunatsinnut kigunerisinnaasaanik qulaajaasumik peqartinnani

Naggataagut Aalisarneq pillugu Siunnersuisooqatigiit eqqaajumavaat, Aalisarnermi pillugu Siunnersuisooqatigiit inatsisitigut akuerisaasutut Naalakkersuisunut aalisarneq pillugu siunnersortaanera malinneqarnerusariaqartoq, uanilu suliassaqarfik taamaattoq Aalisarneq pillugu Siunnersuisooqatigiinnut aamma eqqartueqatigiiffiulluarsinnaavoq.

Inussiarnersumik inuulluaqqusilluta

Aalisarneq pillugu Siunnersuisooqatigiit sinnerlugit

Bent Sørensen , siulittaasoq
Tønnes Berthelsen, siulittaasup tullia