IA-mut akissut

IA-mut akissut – Aqqaluaq B. Egedep oqariartuutaa ”Ikanngilagut: Ineqarnermut Attaveqaqatigiinnermullu Naalakkersuisoq akisussaatinneqarli”

Partiip Inuit Ataqatigiit nittartagaa aqqutigalugu Aqqaluaq B. Egedep allaaserisaani paasissutissat suut kukkusuusorinerai ersarissumik allassimanngilaq, taamaattumillu suliap ingerlateqqinnissaa ajornakusoorpoq.

Karl Frederik Danielsen oqarpoq: ”Paasissutissanik eqqunngitsunik nalornilersitsisunik saqqummiussiuartunga Aqqaluaq B. Egedep oqariartuutaani allassimavoq. Tamanna sukkulluunniit ilisarisinnaanngilara.”

Karl Frederik Danielsen nangippoq: ”Nunatsinni sumiiffinni tamani siuariartorneq atugarissaarnerlu takussaavoq, suliffissaaleqisoqarpianngilaq. Soormi sanaartortoqarpa? Inuit nalornissuteqaratik misigisimagamik. Innuttaaqatitta ullut pitsaasut ingerlaannarnissaat aammalu ineqarneq suliffeqarnerlu ataatsimut isigalugit atugarissaarnerup pissutsillu pitsaanerulernissaat upperilluarpaat.”

Annertunerusumik paasisaqarusunnermi saaffigineqarsinnaavoq

Naalakkersuisumut allatsi Anders Samuelsen oqa +299 34 54 56