Ittoqqortoormiini qernertanik qilalugartassiissutit tamakkerneqarput

Aalisarnermut Piniarnermut Nunalerinermullu Naalakkersuisoqarfiup matumuuna nalunaarutigissavaa, Ittoqqortoormiini 2019-imut qilalukkat qernertat pisassiissutaasut 50-it tamakkerneqarsimalermata. Ajoraluartumillu ataatsimik sinniisoqarsimalluni, aappaagu pisassaniit ilanngaataasussaq.

Taamaasilluni Ittoqqortoormiini ukioq manna 2019-imi qilalukkat qernertat piniaqqinneqassanngillat.

Aalisarnermut Piniarnermut Nunalerinermullu Naalakkersuisoqarfiup nalunaarutigisinnaavaa Ittoqqortoormiini 2019-imi tikaagullittassat suli marlunnik sinneqarmata, taakkulu suli piniarneqarsinnaallutik. Taassuma saniatigut Tunumi tamakkerlugu aavertassat suli 20-nik sinneqarmata.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl