Peqqissutsip iluani ilisimatusartut Nuummiissapput

Ilisimatuut, peqqissaasut Kalaallit Nunaannilu peqqissutsip iluani soqutigisallit ulluni makkunani Nuummiissapput Kalaallit Nunaanni peqqissutsip iluani
ilisimatusarneq pillugu ataatsimeersuartitsisoqarnissaanut,
NUNA MED 2019-imut peqataajartorlutik.

- ”Nuannaarutigeqaarput Kalaallit Nunaanni peqqissutsip iluani ilisimatusarnermit paasisat kingulliit saqqummiunneqarnissaannut ilisimatuut soqutigisallillu
katersuutsissinnaagatsigit sammisallu iluani suliassaqarfiit assigiinngitsut
akimorlugit eqqartuisinnaassagatta suleqatigiinnermillu siuarsaasinnaagatta”
, ataatsimeersuartitsisoqarnissaanut piviusunngortitseqataasut ilaat, Gert Mulvad, taama oqarpoq.

NUNA MED 2019-imi ”Peqqissutsikkut qaammaassaqalerneruneq”
qulequtarineqassaaq. Saqqummiisussallu pingaarnerit ilagissavaat peqqissutsimi ilisimatooq nakorsaatinillu peqataatitsinermi professori Bente Klarlund Pedersen, Ilisimatuussutsikkut tusagassiortoq, atuakkiortoq qaratsallu sananeqaataanut tunngassusilimmik ph.d-lik Lone Frank, Århus Universitetimi innuttaasut
peqqissusaanni ilisimatooq aammalu sulinermi nakorsaatini, puakkut nappaatini, pinasuagassanut kiisalu toqunartut pillugit ataavartumik sunnertissimasut pillugit nakorsaq immikkut ilisimasalik, Niels Erik Ebbehøj.

Sammisat tassaassapput: Issittumi peqqissuseq, tarnikkut peqqissuseq, genetik, sukkorneq, avatangiisini nakorsaatit, utoqqaliartorneq utoqqaallu peqqissarneqarneri, telemedicin, atornerluineq allarpassuillu.



Ataatsimeersuarnermi Katuami isersimasunut saqqummiusssisoqartassaaq, sammisallu pillugit eqqartuinerit Hotel Hans Egedep ataatsimiittarfiini
ingerlanneqartassallutik. Arfininngorneq oktobarip 5-at Peqqissutsimut
Naalakkersuisup, Martha Abelsenip ataatsimeersuarneq ammassavaa.
Ataatsimeersuarneq imaqaqisoq ulluni pingasuni ingerlanneqassaaq
ataasinngornermilu oktobarip 7-anni ullup qeqqata kingorna
naammassineqassalluni.

Ataatsimeersuarneq NUNA MED 1991-imiillu ukiut pingasukkaarlugit
ingerlanneqartarpoq. Aaqqissuisullu tassaapput: Grønlandsmedicinsk Selskab, Peqqissaasut Kattufiat, Kalaallit Nunaanni Nakorsat kattuffiat aammalu Kalaallit
Nunaanni Peqqissusermik ilisimatusarfik.
NUNA MED 2019 pillugu nunamed.org –imi atuaqqissinnaavutit.

Sukumiinerusumik paasisaqarusukkuit pilersaarusioqataasoq Gert Mulvad uunga saaffigineqarsinnaavoq mobil: 483253 e-mail: gm@peqqik.gl