Kuannersuarni aatsitassarsiorfiliariniakkap inuiaqatigiinnut sunniutissaanik nassuiaatissamut missingiuut saqqummiunneqarpoq

Kuannersuarni aatsitassarsiorfiliariniakkap inuiaqatigiinnut sunniutissaanik nassuiaammut missingiut kingulleq tamanut saqqummiunneqartoq

Kuannersuarni aatsitassarsiorfiliariniakkap inuiaqatigiinnut sunniutissaanik nassuiaammut missingiutip pissarsiarinissaanik Aatsitassanut Suliffeqarnermullu Naalakkersuisoqarfik allagaatinik paasiniaasinnaatitaaneq tunngavigalugu qasseeriarluni noqqaaffigineqartarpoq. Tamannalu tunngavigalugu Naalakkersuisoqarfik aalajangerpoq inuiaqatigiinnut sunniutissanik nassuiaammut missingiut tunniussaq kingulleq allagaatinik takunnikkumasunit pissarsiarineqarsinnaassasoq. Tassungalu atatillugu naalakkersuisoqarfik aalajangerpoq missingiut kingulliugallartoq tamanut ammasunngorlugu saqqummiunneqassasoq, tassami naalakkersuisoqarpoq isumaqarpoq kikkut tamarmik missingiut ataatsikkut pissarsiarisinnaasariaqaraat. Inuiaqatigiinnut sunniutissanik nassuiaammut missingiutip tusarniaanermut atatillugu tamanut saqqummiunneqartussaanera massakkut tamanut saqqummiussinermut atatillguu apeqqutaatinneqanngilaq, tak. aatsitassanut inatsimmi § 87 b.

 

Taamaammat erseqqissarneqassaaq inuiaqatigiinnut sunniutissanik nassuiaammut missingiutip kingulliup kalaallisuungorlugu, danskisuunngorlugu tuluttuunngorlugulu tamanut saqqummiunneqarnera missingiutip tusarniaassutigineqalerneranut aallaqqaataanngimmat, tak aatsitassanut inatsimmi § 87 b.

 

Inuiaqatigiinnut sunniutissanik nassuiaammut missingiut aatsitassanut inatsimmi aalajangersakkat naapertorlugit tusarniaassutigineqalerpat tamanna Naalakkersuisut.gl-imi avammut nalunaarutigineqarumaarpoq. Tusarniaanerup kingorna tusarniaanermi akissutinut oqaaseqaatit katersorneqassapput, tassanilu oqartussat kiisalu aatsitassarsioqatigiiffik tusarniaanermi akissutinut, kiisalu illoqarfinni nunaqarfinnilu aatsitassarsiorfissatut pilersaarutigineqartumit immikkut sunnigaasussani tusarniaalluni ataatsimiititsisarnerni saqqummiunneqartunut allakkatigut qisuariaateqassapput. Piiaanissamut akuersissummik tunniussisoqarnissaanik Naalakkersuisut isummerniarnerannut atatillugu inuiaqatigiinnut sunniutissanik nassuiaammut missingiut iluarsisaq akissutinut qisuariaatinik ilalik Naalakkersuisunut saqqummiunneqassaaq. Inuiaqatigiinnut sunniutissanik nassuiaat inaarutaasoq kiisalu akissutinut qisuariaatit Naalakkersuisuniit akuerisaassagaluarunik Naalakkersuisut.gl-ikkut avammut saqqummiunneqarumaarput.

 

Inuiaqatigiinnut sunniutissanik nassuiaammut missingiutip, allagaatinik takunnikkumalluni noqaassutigineqartartut tunngavigalugit tamanut saqqummiunneqartup, atuarnerani aatsitassarsiorfiliariniakkap inuiaqatigiinnut pingaarutai pillugit siumut inernileereernissaq mianersuuteqquneqarpoq. Taamaammat tunngaviit utaqqiisaasumik ineriniliussani atorneqartut, inuiaqatigiinnut sunniutissanik nassuiaammut inaarutaasumut Naalakkersuisunillu akuerisaasumut, sanilliullugit allannguuteqarsinnaapput.

 

Sukumiinerusumik paasiniaaffissaq: Jørgen T. Hammeken-Holm, Aatsitassanut Suliffeqarnermullu Naalakkersuisoqarfimmi pisortaq. Tlf.: +299 34 68 46 Mail: joeh@nanoq.gl


Inuiaqatigiinnut sunniutissanik nassuiaammut missingiut kingulleq iserfigiumallugu iserfissat tulliuttut arlaat iserfiguuk:

Inuiaqatigiinnut sunniutissanik nassuiaatip 11. juni 2019-imeersup kalaallisuua

 

Engelsk versionaf VSB-redegørelsen af English version of SIA of June 11th 2019

 

Dansk version afVSB-redegørelsen af 11. juni 2019

 

Inuiaqatigiinnut sunniutissanik nassuiaammut missingiut siulleq 2018-mi ukiakkut saqqummiunneqarpoq: Tooruk.