Nannumik qaninngoortoqartillugu malittarisassanik erseqqissaaneq

Qanittumi nannumik Aasiaat eqqaaniittoqarnerani inuit pissusilersuutigisaat takuneqartut tunngavigalugit nannumik, Aalisarnermut, Piniarnermut Nunalerinermullu Naalakkersuisoqarfiup malittarisassat pillugit ataani erseqqissaassutigissavaa.

Nannunik piniarneq illersuinerlu pillugit Namminersorlutik Oqartussat nalunaarutaanni nr. 3, 14. september 2018-imeersumi, § 4 naapertorlugu inerteqqutaavoq:
- Qarmaaneq (ussassaarineq),
- Ujaasineq,
- Malersuineq
- Imaluunniit allatut nannunik akornusersuineq.

Inerteqqutaavortaaq:
- Politiit, piniarnermik nakkutilliisut, kommunefogedit, inuilluunniit allat pisinnaatinneqartut nannunik sumiiffimmiit qimaatitsiniarlutik ungoorineranni akornusersornissaat.

Naggataaguttaaq inerteqqutaavoq:
- Dronit nannunik filmiliornermut allatulluunniit malersuinermut atornissaat.

Pissutsit qulaani taaneqartut tamarmik nalunaarummi § 23 naapertorlugu, politiinut nalunaarutiginninnermik kiisalu akiligassinneqarnermik kinguneqarsinnaapput.




Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl