Allaaserisamut internetikkut aviisi sermitsiaq.ag aqqutigalugu saqqummersinneqartumut naqqiissut

Allaaserisamut ”Aaja: USA-p Qaqortumi aningaasaliissuteqarnissaa ilimanarpoq”, tallimanngornermi 20. septembarimi internetikkut aviisi sermitsiaq.ag aqqutigalugu saqqummersinneqartumut naqqiissut.

Allattoq Ineqarnermut Attaveqaqatigiinnermullu Naalakkersuisoqarfik

Allaaserisami allassimavoq Qaqortumi mittarfissaq aningaasaliiffigineqanngitsoq. Tamanna ilumuunngilaq. Qaqortumi mittarfissaq Nunap Karsianit tamakkiisumik aningaasalersorneqarpoq, aammalu 2,1 mia. koruuniusuni taakkunani Naalakkersuisut Kalaallit Airports Holding A/S-imut aningaasaliinissamut piginnaatinneqarput, tak. Nuummi aamma Ilulissani nunanit tamalaanit mittarfiit kiisalu Qaqortumi nunap immikkoortuani mittarfiup sananeqarnissaannut, ingerlanneqarnissaannut aningaasalersorneqarnissaannullu killiliussatut piumasaqaatit pillugit Inatsisartut inatsisaat nr. 4, 22. november 2018-imeersoq.

Annertunerusumik paasisaqarusunnermi Ineqarnermut Attaveqaqatigiinnermullu Naalakkersuisoqarfik box909@nanoq.gl aqqutigalugu attaveqarfigineqassaaq.