Ilinniartitaanermut Naalakkersuisoqarfiup suliaq unitsinngilaa

Sermitsiaq.ag ulloq 13. septembari 2019 allaaserisaq ’Ilinniartitaanerit Naalakkersuisoqarfimmit kinguarsarneqartut’ §37 apeqqummut akissummit tunngaveqarluni allaaserisamut oqaaseqaat.

Kommissoriassaq, tassa suliassanik sinaakkusersuisussaq, NI Nuuk suleqatigalugu pilersinneqartussaavoq. Suleqatigiissitap suliassat ilaatigut NI Nuuk-p erhvervsakademimik ineriartortitserusunneranik kissaataat suliarisussaavaat.

Naalakkersuisoqarfiup NI Nuummut kommissoriamut siunnersuut november 2018-mi nassiuppaa.

Peqqutit arlaqartut pissutigalugit, ilanngullugu qaffasinnerusumik ilinniartitaanerit pillugit Inatsisartut inatsisaata suliarineqarnerata kinguartinneqarnera, NI Nuummiit oqaaseqaatit suli Naalakkersuisoqarfimmut apuunneqanngillat, taamaattumik kommissoriassaq allassimaffissaat suli naammassineqarani.

Ilinniartitaanermut Naalakkersuisoq Ane Lone Bagger ima oqaaseqarpoq: “Ilinniartitaaneq pingaarluinnartuuvoq, ammma peqqissaaruttariaqarpoq. Ilinniarfiit suleqatigalugit ilinniartitaanerit nutaat pitsaasumik pissavagut aamma ilinniartitaanermut malittarisassat, taamaasillutik inuiaqatigiit amigaataannik ilinniartut piginnaasaqaleqqugit. Taamaammat pisoq pillugu NI Nuuk suleqatigiinneq ingerlaannarnissaa kissaatigaarput”