Paarisa malinnaaffigiuk- peqqissuunissamillu qinersineq ajornanngitsumik qinersininngortiguk


Oqarasuaatit tigujuk ilinnut ilaquttannullu peqqinnerusumik inuunermillu naleqarnerusumik inuuneqalernissamut isumassarsisitaagit. Peqqinnerusumik inuunermi pissuseqarnissaq pillugu siunnersuutit pitsaasut ilitsersuutillu pillugit Paarisap Facebookimi quppersagaa nutaaq tallimanngorneq 13. september saqqummiunneqassaaq.

- Paarisami peqqissumik inuunermi pissuseqarnissaq pillugu ilisimasalerujussuuvugut, ilisimasallu taakku Kalaallit Nunaanni innuttaasunut tamanut agguaakkusuppagut. Peqqissutsip inuunermilu pissutsit siuarsarneqarnissaat sulissutigaagut aammalu ilisimasat siammarneqarnissaat suliatsinni pingaarutilittut ilaapput, pissutigalugu ilisimasat pitsaasunik peqqinnartunillu qinersinissamut tunngaviummata,” Paarisami immikkoortumi pisortaagallartoq Ditte Sølbeck oqarpoq nangillunilu:

Paarisap Facebookimi quppersagaata amerlasuunit – pingaartumik ilaqutariinnit meerartalinnit – tigulluarneqarnissaa neriuutigaarput, soorunalumi malinnitsitta peqqissunik qinersisarnissaannut kajumissuseqalersinnissaat isumassarsisitaanissaallu neriuutigaluguttaaq.


Paarisap Facebookimi quppersaagaa kikkunnut tamanut ammavoq, kisianni ilaqutariinnut meerartalinnut immikkut saaffiginnilluni. Quppersakkami peqqissuseq aamma pingaartumik nerisassat timigissarnerlu pillugit siunnersuutit pitsaasut, ilitsersuutit iliuutsillu nassaarineqarsinnaapput. Qanoq ililluni peqqissumik qinersisarnerup ajornanngitsumik pissusissamisoortumillu qinersininngortinneqarnissaa tassani ukkatarineqassaaq.

Peqqissutsimut suliassaqarfimmi massakkut ilisimasat aallaavigalugit Paarisap facebookimi quppersaagaani siunnersuusiortoqartarpoq, matumani nerisat timigissarnerlu pillugit pisortatigoortumik innersuussutit ilanngullugit.

Paarisa Namminersorlutik Oqartussat ataanni immikkoortortaavoq, taannalu Pitsaaliuinermut Isumaginnininnermullu Aqutsisoqarfiup ataaniilluni. Isumaginninnermut peqqinnissamullu sulianik suliassaqarfiup iluani immikkoortortaq peqqissutsip siuarsarneqarnissaanik pitsaaliuinermillu suliaqarpoq.


Paasisaqarnerorusukkuit immikkoortortami pisortaagallartoq Ditte Sølbeck oqarasuaat +299 34 60 37 imaluunniit e-mail ditt@nanoq.gl aqqutigalugit