Naalakkersuisut Siulittaasuat nakorsaniit qasuersaaqquneqarpoq

Naalakkersuisut Siulittaasuat Kim Kielsen nakorsaniit siunnersorneqarpoq qasuersaassassasoq, taamaammat ulluni 14-ni sulinngiffeqarallassalluni.

Nakorsat paasisaat aallavigalugit ukiap ingerlanerani uummammigut suliaritinnissaa naatsorsuutigineqarpoq.

Sulinngiffeqarallarnerani Ineqarnermut Attaveqaqatigiinnermullu Naalakkersuisoq Karl Frederik Danielsen Naalakkersuisut ataatsimiittarnerini aqutsisuusassaaq.

Naalakkersuisut Siulittaasuat ullut 14-it sulinngiffeqareeruni naliginnaasumik sulileqqissaaq.


Saaffiginninnernut attavissaq, Naalakkersuisut Siulittaasuata allattaa Steve Sandgreen, stev@nanoq.gl, tlf:345458