Aatsitassarsiorfinnik matusisarneq pillugu isumasioqatigiinneq


Aatsitassanut Suliffeqarnermullu Naalakkersuisup, Erik Jensen-ip, aatsitassarsiorfiutileqatigiiffiit aamma ingeniørit suliffeqarfii siunnersuisartut assigiinngitsut Pinngortitaleriffimmi pingasunngorneq ulloq 21. august 2019 Aatsitassarsiorfinnik matusisarneq pillugu isumasioqatigiinnermut tikilluaqquai.

Peqataasut ilaatigut Danmarkimeersut, Tuluit Nunaanneersut, Australien-imeersut aamma Tjekkiet-meersut ornigullutillu video aqqutigalugu peqataapput.
Aatsitassarsiorfinni ingerlatassanik aallartitsisoqannginnerani aatsitassarsiorfiup matuneqarnissaata paasinarsisinneqarnissaa qulequtaasarpoq pingaaruteqartoq.



Ingerlatseqatigiiffiit akuersissummik peqartut aammalu Aatsitassanut oqartussaq aamma ingeniørit suliffeqarfii siunnersuisartut paasissutissinneqarnissaat, isumassarsianik misilittakkanillu immersoqatigiinnissaq, Aatsitassarsiorfinnik matusisarneq pillugu isumasioqatigiinnermut siunertaavoq, taamaalilluni siunissami aatsitassarsiorfinnik matusisarnermut tunngatillugu suliaqartuusut akornanni paaseqatigiinnerulersitsisoqassalluni suleqatigiinnerulersitsisoqassallunilu.

Kalaallit Nunaanni, Saskatchewan-imi aamma Australien-imi aatsitassarsiorfinnik matusisarnermi misilittakkat isumasioqatigiinnermi saqqummiunneqarput oqallisigineqarlutillu.

Peqataasut immersuinerat maleruagassat suleriaatsillu atuuttut nalilersoqqinneqarneranni aammalu aatsitassarsiorfinnik matusisarnermut maleruagassat nutaat piareersarneqarneranni atorneqassapput. Maleruagassat nutaat taakkua 2020-imi aasartinnagu inissitsineqareersimassasut pilersaarutaavoq.

Sukumiinerusumik paasisaqarusuttut naalakkersuisoqarfimmi pisortaq Jørgen T. Hammeken-Holm attavigisinnaavaat oqarasuaatikkut 55 24 66-imut sianerlutik imaluunniit e-mailikkut allaffigalugu: joeh@nanoq.gl