Pinngortitamik ikuallattumik qatserineq naammassineqalerpoq

Upalungaarsimanermut Aqutsisoqarfiup Kangerluarsuk Tullermi pinngortitamik qatserinerata sapaatit akunnerata naanerani naammassineqarnissaa naatsorsuutigineqarpoq. Inneq siaruariartorunnaarpoq, aammalu ulluni tullerni qatsereqqissaartoqassaaq

Marlunngormat aggustip ulluisa 13-anni Upalungaarsimanermut Aqutsisoqarfiup qatserisartut 38-t Kalaallit Nunaannukartippai, Sisimiut avannamut kangiani pinngortitami ikuallannermik killiliiniarnermi qatseriniarnermilu najukkami upalungaarsimasut ikioriartortillugit.

 

Suliassaq ullut 14-it missaannik sivisissuseqartussatut killilerneqarpoq, kisiannili piffissap sivikitsuinnaap ingerlanerani siuariartoqarujussuarpoq. Taamaattumik ulluni tullerni suliaq naammassineqassaaq.

 

”Marlunngornerup unnuaani qatserivimmut tikittoqarnerani erngerluta sulianik annertuunik aallartitsivugut. Nunamut kapputtakkat atulerpagut, taamaalillutalu issunik imermik immiisinnaalerpugut. Ikuallattoq killilerniarlugu taakku pitsaalluinnartut paasinarsivoq. Taamaattumik maannangaaq suliap naammassinissaa takusinnaalereerparput”, Upalungaarsimanermut Aqutsisoqarfimmi sulisunut pisortaq Stig Hammerhøj oqarpoq.

 

Suliami innerup najugaqarfinnut pinngortitamullu annertunerusumik siaruatsaaliorneqarnissaa siunertarineqarpoq. Nunamut kapputtakkat atorlugit titarneq uniffissaq pilersinneqarpoq. Innerup siaruariartornera unitsinneqarpoq, sapaatillu akunnerata naaneranni qatsereqqissaartoqassaaq. Titarneq uniffissaq atatiinnarneqassaaq masatserneqartassallunilu.

 

Najukkami upalungaarsimasut aamma qatserisartut Danmarkimeersut akunnerminni suleqatigiilluarnerat misigalugu nuannaarnartorujussuuvoq. Atortut eqqortut saniatigullu sulisussat atorlugit pissutsit siumut saatinneqarnissaat iluatsippoq. Qatserinermi ikiuuttunut tamanut qujanaq”, Upalungaarsimanermut Ataatsimiititaliamut siulittaasoq Mette Skarregaard Pedersen oqarpoq.

 

Ulluni tulliuttuni qatserisartut sumiiffik alapernaarsussavaat, aammalu innerup ikeqqinnginnissaa qulakkiissallugu. Tamatuma kingorna atortut poortorneqassapput qatserisartullu qasuersissapput, taamatullu najukkami oqartussaasut upalungaarsimanermut tunngasuni tapersersinnaassavaat.

 

Qaterisartut aggustip ulluisa 24-anni Illersornissaqarfiup timmisartuanut Hercules-imut ilaallutik Danmarkimut aallassapput.

 

Upalungaarsimanermut Aqutsisoqarfiup suliai pillugit attaveqarfissaq:

Stig Hammerhøj

Upalungaarsimanermut Aqutsisoqarfiup Issittumi Sakkutooqarfimmi attaveqarnermut officeria

0045 2332 5781

 

Upalungaarsimanermut Aqutsisoqarfiup normua pingaarneq

0045 4590 6000

 

Kalaallit Nunaanni upalungaarsimaneq pillugu annertunerusumik paasisaqarusunnermi attaveqarfissaq:

Pinngortitamut Avatangiisinullu Naalakkersuisoqarfimmi pisortaaneq aamma Upalungaarsimanermut Ataatsimiititaliami siulittaasoq Mette Skarregaard Pedersen tlf. 529844