Inngili Qernertumi sumiiffimmut qinnuteqaatinut nutaanut ammaassineq

Oqaluttuarisaanermi Inngili Qernertumi aqerlusiorfiullunilu zinkisiorfiusimasoq, aatsitassarsiorluni misissuinissamut qinnuteqaatinut nutaanut ammaqqinneqartoq, Aatsitassanut Aqutsisoqarfiup tamanut saqqummiuppaa.

 

Piiaanissamut akuersissutaasimasoq 2008-29, siusinnerusukkut Black Angel Mining A/S-imit pigineqartoq, aatsitassarsiorluni misissuinissamut qinnuteqaatinut taamaallaat ammatinneqarpoq. Sumiiffik siumoortumik annertussusiligaavoq, annikillisinneqarnissaa imaluunniit annertusitinneqarnissaa periarfissaqarani.  

 

Qinnuteqaatit piffissami 15. august – 15. november 2019 tiguneqartut, piffissami qinnuteqarfiusumi ataatsimoortumi ilaatinneqassapput. Aatsitassanut Aqutsisoqarfiup qinnuteqaatit atugassarititaasunut nalinginnaasunut aamma suleriaatsinut atuuttunut naapertuuttumik suliarineqassapput.

 

Aatsitassanut Aqutsisoqarfiup sumiiffik akuersissuteqarfiusoq atugassarititaasut immikkut ittut tunngavigalugit ammarpaa. Atugassarititaasut immikkut ittut taakkua Aatsitassanut Aqutsisoqarfiup pisortatigoortumik tikilluaqqussutitut allagaanni erseqqinnerusumik nassuiarneqarput. Qinnuteqarnissamut soqutiginnittut Aatsitassanut Aqutsisoqarfiup pisortatigoortumik tikilluaqqussutitut allagai, nunap assingani naleqqat ataatsimoortut, qinnuteqaatinut suleriaatsit allallu paasissutissat attuumassuteqartut nassaarisinnaavaat uani www.govmin.gl/Black_Angel_reopening.

 

Black Angel-ip aatsitassarsiorfia piffissami 1973-90-imi tunisassiorfigineqarpoq, aammalu saffiugassaq 11.2 tons, zinkimik 12.4 %-imik aamma aqerlumik 4.2 %-imik akoqartoq, tunisassiarineqarluni. Saffiugassaq 2.4 millioner tons missaannik annertussuseqartoq aatsitassarsiorfitoqqami napasunik sukaniiginnarpoq. Tunisassiornerup unitsinneqareernerata kingorna ingerlatseqatigiiffiit assigiinngitsut sumiiffimmi aatsitassarsiorlutik ingerlataqarput. Black Angel Mining A/S piffissami 2008-2019-imi piiaanissamut akuersissummut pisinnaatitsissummik pigisaqartuuvoq.

 

Paasissutissanik annertunerusunik piniarnermi attaveqarfigeqquneqarpoq

Jørgen T. Hammeken-Holm, Aatsitassanut Suliffeqarnermullu Naalakkersuisoqarfimmi Naalakkersuisoqarfimmut pisortaaneq

Oqarasuaat: (+299) 34 68 46

E-mail: joeh@nanoq.gl

aamma

Nadja Vedsted Sembach, Aatsitassanut Aqutsisoqarfimmi Akuersissutinut Immikkoortortaqarfimmi pisortaq   

Tel: (+299) 34 68 23

E-mail: navr@nanoq.gl