Nunatta Isiginnaartitsiarfiata siulersuisuinut ilaasortassanik toqqaaneq

Nunatta Isiginnaartitsiarfiata siulersuisuinut ilaasortassanik nutaanik piffissami 2019-2023 toqqaaneq

Nunatta Isiginnaartitsisarfiata siulersuisunut piffissami nutaami atuuttussanik Naalakkersuisut tallimanik nutaanik ilaasortassanik toqqaapput. Siulersuisut atuutilertussat piffissami septemberip aallaqqaataaniit 2019 aggustip 31-iata 2023 tungaanut atuutissapput.

Siulersuisut tassaapput Kalaallit Nunaata Isiginnaartitsisarfiani aqutsisut qullersaasut, aamma Kalaallit Nunaata Isiginnaartitsisarfiata ingerlanneqarnera pillugu aalajangersakkat malinneqarnissaannut Naalakkersuisunut akisussaasut. 

Nunatta Isiginnaartitsisarfiata siulersuisui isiginnaartitsisarfeqarneq pillugu inatsit malillugu tallimanik ilaasortaqarpoq, Naalakkersuisullu siulittaasumik toqqaasarput. Ilaasortat ukunannga innersuunneqareerneratigut Naalakkersuisut toqqaasarput: SILA (Kalaallit Nunaanni Isiginnaagassiortut Peqatigiiffiannit), kommunit peqatigiillutik, Kalaallit Atuakkiortut, Sulisitsisut, aamma Nunatta Isiginnaartitsisarfiani sulisunit.

Siulersuisuni ilaasortaat tassaapput:

Nukaraq Eugenius,

Arnannguaq Gerstrøm,

Kimmernaq Kjeldsen,

Juana Petrussen, aamma

Gerth Lyberth.

Naalakkersuisut siulersuisuni siulittaasussatut toqqarpaat Nukaraq Eugenius.

Naalakkersuisut siulersuisut nutaat sulilluarnissaannik kissaappaat.

Sukumiinerusumik paasisaqarusuttut attavigisinnaavaat:

Rosa Thorsen, allatsi

rosath@nanoq.gl

Tlf: 34 57 02