Aalisarnermik nakkutilliisunngorniartut ilinnialersut

Kalaallit Nunaanni Aalisarsinnaanermut Akuersissutinik Nakkutilliisoqarfimmeersut, KANUAANA, arfineq-pingasut siunissami aalisarnermut nakkutilliisunngortussatut ilinniarnertik Erhvervsakamiet Midtvest Holstebromi aggustip tallimaanni 2019-imi aallartippaat. Ilinniarneq ukiuni marlunnik sivisussuseqartoq piffissat ilinniarfiusut immikkoortukkuutaarlugit aaqqissuussaavoq. Ilinniarnerup ilaa aamma nunatsinni pisassalluni.

Aalisarnermik nakkutilliisunngorniartut nunatsinni ukiaru ilinniarnerminnut atatillugu suliffimmiissapput, DTU-mut Silkeborgimiittumut aamma Erhvervsakademiet Holstebromiittumut kingorna ilinniariartoqqissallutik. Ilinniarfinni ilaatigut ilinniarneqassallutik; uumassusilerineq, inuussutissat isumannaatsuunissaannik qulakkeerinninnissaq aamma inuussutissat pillugit teknologi.

- Ilinniartitsinerput nutaajusoq asseqanngilluinnarpoq. Sapiiserlunga oqarsinnaasorivunga nunarput nunarpassuarni siullersaagunarluni aalisarnermik nakkutilliisunngorniartut pisortat ingerlatsiviini aalajangersimasumik ilinniartitaasoqalermat, ECTS-pointinnaffiusinnaalluni. 

Ilinniarnertuut ilinniarfigisartagaanni ECTS-pointinik pineqartartut pointinnassutigineqartarput, soorlu Erhvervsakamiet Midtvest Holstebromi taama pisoqarsinnaasoq. Pointinnassutigineqartut ilinniarfinni allani qaffasinnerusuni ilinniarnissamut periarfissaqalersitsisarlutik, Mads Trolle Nedergaard, Kalaallit Nunaanni Aalisarsinnaanermut Akuersissutinik Nakkutilliisoqarfimmi pisortaq erseqqissaavoq.

Ilinniakkamik taamaattumik aaqqissuussineq pingajussaraat,  ilinnialersut pingajussaralugit. Ilinniartitaaneq KANUAANA-mik ilinniarfiillu pineqartut aaqqissuussaraat.

Attavigineqarsinnaavoq Mads Trolle Nedergaard, Kalaallit Nunaanni Aalisarsinnaanermut Akuersissutinik Nakkutilliisoqarfimmi pisortaq. E-mail: mads@nanoq.gl