Naalakkersuisut Siulittaasuata statsministeri lagmandilu peqatigalugit amerikamiut præsidentiannik naapitsinissani qilanaaraa

Naalakkersuisut nuannaarutigalugu maluginiarpaat statsministerip Mette Frederiksenip naalakkersuinermi tunngaviusumik isumaqatigiissutitigut kissaatigineqartutut Naalagaaffeqatigiinneq naligiinnerusoq, pitsaasoq nukittuumillu suleqatigiiffiusup, illugiilluni ataqqeqatigiinnermik tatigeqatigiinnemillu aallaaveqartumik, taamatullu Namminersorneq pillugu inatsimmi aalajangersakkat aallaavigalugit amerikamiut pisortatigoortumik tikeraarnissaannut Naalakkersuisut Siulittaasuanik peqatiserinnilluni qaaqqusisimammat.

Issittumut tunngasut USA-mi soqutiginnileraluttuinnarput, issittorlu pillugu Naalagaaffeqatigiit præsidentimik ataatsimeeqateqarnissaanni nunarput naalagaaffeqatigiit issittortaammat, tamanna tunngavigalugu ataatsimiinnermi peqataanissaq Naalakkersuisunit qilanaarineqarpoq.

USA Kalaallit Nunaallu oqaluttuarisaanikkut sivisuumik attaveqaqatigiinnikuupput, amerikamiullu atorfilittanik ataavartumik Kalaallit Nunaanniititseqqilernerat suleqatigiinnerup pitsaasup nutarternerattut isigalugu suleqatigiilluarnissaq Naalakkersuisunit qilanaarineqarpoq.

"Kalaallit Nunaata issittumi inissisimanera, taamatuttaarlu ukiuni makkunani nunap sumiiffii aallaavigalugit politikkikkut soqutigsat allanngoriartorneri Naalakkersuisut arajutsisimanngilaat. Tamaani Issittup sorsuuffiunani eqqissisimasuunissaa Naalakkersuisut kissaatigalugulu siunniuteqqavaat ", Kim Kielsen naggasiivoq.