Aatsitassarsiornissamut soqutiginnikkaluttuinnarput

Aasaq manna 2019-imi, ukiunut qaangiuttunut naleqqiullugu, ingerlatsiviit Kalaallit Nunaanni asimi suliaqartut, arlaqarnerupput.
Tamanna atuarneqarsinnaavoq quppersakkami: 2019-imi Kalaallit Nunaanni aatsitassarsiornermik ingerlatat, Aatsitassanut Aqutsisoqarfimmit, Namminersornerlutik Oqartussanit, saqqummersinneqaqqammersumi. Takuuk ataaniittoq link-i.

Upernaakkut aasaaneranilu, piffissami aggersumi asimi suliariniassamaakkanut atatillugu, ingerlatsivinnit assigiinngitsunit, universitet-init, suliffeqarfinniillu, qinnuteqaatinik pilersaarutinik ilaqartunik, Aatsitassanut Aqutsisoqarfik, tigusaqartarpoq.
Aatsitassanut Aqutsiveqarfiup nalunaarsorsimavai 2019-imi asimi suliaqarnerit 34-it, 2018-imi asimi suliaqarnerit 30-it, 2017-imi asimi suliaqarnerit 17-it, 2016-imilu asimi suliaqarnerit 12-it.

Quppersakkami allaaserineqarpoq kommuneni sorlerni suliaqartoqarnera. Paasissutissat quppersakkamiittut tunngavigivaat ingerlatsiviit 2019-imi asimi misissuinerat misissueqqaarnerallu, ilisimatusarnikkut misissuinerit, geologiimullu tunngasunik nunap assiliornerit.
Asimi suliat qulaani taaneqartut saniatigut, maanna atuuttunik piiaanissamut akuersissutaasunut paasissutissanik killiffinnillu, quppersagaq imaqarpoq.

Paasissutissanik sukumiinerusunik pissarserusukkaanni saaffigineqassaaq Jørgen T. Hammeken-Holm, Aatsitassanut Suliffeqarnermullu Naalakkersuisoqarfimmi Pisortaaneq.
Oqarasuaat: +299 34 68 46 Mail: joeh@nanoq.gl

Link-i uani takuuk