Avaleraasartuut sapaatip akunnerini marlunni 3400 tonsit pisarineqartut

Aalisariutit 12-init, taakkunanit nunatsinneersut 9-it Tunumi avaleraasartuut sapaatip akunnerini kingullerni marlunni 3.391 tonsit aalisarpaat.

Kalaallit Nunaanni Aalisarsinnaanermut Akuersissutinik Nakkutilliisoqarfiup pisanik nalunaarsugai naapertorlugit avaleraasartuut siulliit aalisarneqartut juulip sisamaanni pisarineqarput.

Ukioq manna avaleraasartoortassat 70.411 tonsiupput.

Avaleraasartassiissutigineqartut ingerlatseqatigiiffinnut nunatsinni aalisarititaatilinnut pisassiissutaapput. Pisassiissutigineqartut ilaat aalisariutinik attartukkanik aalisarneqarput. Ingerlatseqatigiiffiit nunatsinni aalisariutaatillit aalisariutinik nunanit allaneersunit attartorsinnaapput.

Aalisariutit nunanit allaneersut ukioq manna pingasut maannamut avaleraasartoorniarput.

Avaleraasartuut siorna aalisarneqartut 63.793 tonsiupput, 46.726 tonsit 2017-imi aalisarneqarlutik.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Emanuel Rosing. E-mail: emro@nanoq.gl