Namminersorlutik Oqartussani ERP-mi aaqqissuussinerup nutaap atulernissaa kinguartuulaarpoq

Namminersorlutik Oqartussani aningaasanik nuussisarnerni atortorissaarutit atorneqartartut ulluni makkunani taarsersorneqaleruttorput. Akiligassat allagartaat, akiitsullit allagartaat, akiligassat isertut anisullu nalinginnaasut il.il. suliarineqartarneri aasap ingerlanerani atortut nutaat atorlugit suliarineqartalertussaapput.

Tamanna siullermik qaammatit maaji-juuni nikinnerisa nalaanni pivoq suliassallu tullia oktobarip qaammataani aallartinneqassalluni.

Ikaarsaariarneq ajunngitsumik ingerlavoq unammilligassallu annikitsuinnaasimallutik. Allanngortiterinerli annertuutut oqaatigisariaqarpoq ilaatigut sulisut allatut sulinissaminnut atortullu allat atorlugit sulisalersussaaneq sungiunniartussaassallugu. Taamaattumik ilaatigooriarluni kinguaattoortarsinnaanissaq pisarsinnaavoq ilaatigut akiligassat akilertarnissai kinguaattuulaarsinnaassallutik.

Taamatut kinguartoortoqartillugu Aningaasaqarnermut Sulisoqarnermullu Aqutsisoqarfimmi Qitiusumik Naatsorsuuseriffimmut (dcr@nanoq.gl) saaffiginnittoqarsinnaavoq, tassani suliaq naammassillugu suliarineqarsinnaassammat.