Aningaasanoorajuppallaalernermi imminut ikiorsinnaalernissaq

Mælkebøtte

Allorfiup avammut saqqummiuppaa atuagaq innuttaasunut eqquiniaanermik pinngitsuuisinnaajunnaartunut imaluunniit aningaasanoorajunnermik ajornartorsiuteqartunut imminut ikiorsinnaalernissamut atorneqarsinnaasoq

Nunatsinni Tips aamma Lotto, bingo, aningaasanik pinnguaatit aamma nallukattanut immeraatillu naliginnaasuupput aningaasatigut pinnguaatiginiarnermi, kisianni tamakkua internetikkut pinnguaatit unammillernerulerneri annertusiartuinnarput.

”Internettitigut aqqutigut pitsanngoraluttuinnartillugit aningaasanik pinnguarnissamik periarfissiinerit pitsanngoraluttuinnarput anigaasanik pinnguaat, bingornikkut, odd´sit, pokernerit allarpassuillu aningaasatigut pinnguariaatsit neqeroorutigineqartartut internetikkut. Soorunalumi amerlasuut tiguartittarput pinnguaatinik, tassanngalu imminnut pinnguarpallaalersimallutik malugilersarput” oqarpoq Birgit Niclasen, Allorfiup pisortaa. Ingerlaqqipporlu ”Allorfik taamaammat aallartitsisimavoq atuagaq imminut ikiorsernissamut kalaallisut allaqqasoq qanoq aningaasanoorajunnermik pinngitsuuisinnaajunnaarsimagaanni imminut ikiorsersinnaanerluni.”

Atuagaq ateqarpoq ” Aningaasanoorajunnermiit aniguineq” taannalu ajornanngitsuaqqamik Allorfiup nittartagaasigut aaneqarsiinaavoq. Atuagaq oqaasertalersugaq ”Fri for ludomani”-ngaanniit suliaavoq nittartakkullu danske spil-imiit aaneqarsinnaalluni.

Kalaallit nunaanni inuiaqatigiinni misissuisoqarnerit malillugit aningaasatigut pinnguarnermi ajornartorsiut annertusiartuinnarpoq. Aningaasanoraajunnertigut ajornartorsiornermi periuseq ukiup kingulleq qaffassimavoq. Inuiaqatigiinni misissuinertigut nassaarisimavaat aningaasanoorajunnermi ajornartorsiortut marloriaatinngorsimammata 4%-imiit 2005-imi 7.2%-imut 2014-imi inersimasut akornanni. Affaalu inuunermi ilaanni aningaasanoorajunnermi ajornartorsiornikuusunut 13%-imiit 2005-imi qaffassimavoq 20% 2014-imut.

”Inersimasut 5-ngaata ataaseq inuunerminni aningaasanoorajunnermik ajornartorsiorsimasarput taamaammat imminut ikiornissamut atuagaq amerlasuunut pigissallugu nuannaarutigineqassaqaaq” oqarpoq Birgit Niclasen. ”Kisianni takusinnaasattuulli atuakkamiit annertunerusumik ikiorserneqarniassaguit, taava periarfissaqarputit akeqanngitsumik katsorsartinnissannik. Attaveqarfigiinnassavat sullisisorisat imaluunniit Allorfiit ilaannut saaffigiinnarit innersuussummillu katsorsartikkusunnermik pillutit”.

Nittartakkatsinni allorfik.gl neqeroorutaatigut assigiinngitsut nassaarisinnaavatit.

www.danskespil.dk –mi atuagaq Fri for ludomani naalaagassiatut aaneqarsinnavoq:

Attaveqarfigineqarsinnaasoq: Birgit Niclasen, Allorfik pisortaa, email: bivn@allorfik.gl, tlf.:346652