Meeqqat pillugit kigutigissaanermi kigutinik narlorsaasarneq unitsinneqanngilaq

Aaveq

Meeqqat pillugit kigutigissaanermi sipaarniuteqarneq pillugu Naalakkersuisuni aalajangiisoqarnikuunngilaq



Tallimanngormat Peqqissutsimut Pinaveersaartitsinermullu Aqutsisoqarfiup nalunaarutigaa, pinaveersaartitsilluni kigutinik narlorissaaneq taamaallaat neqeroorutigineqartoq, bøjleliineq kigutilerisumik immikkut ilisimasalimmik malinnaavigineqarsinnaanngitsumik sulinikkut imminut illersorsinnaanngimmat. Tamatumunnga tunngaviuvoq, bøjleqartitsineq katitigaasoq annertoorlu kigutilerinermi kigutilerisunik immikkut ilisimasalinnik taamaallaat suliarineqarsinnaammat.

Naalakkersuisut sulilersitsiniarnermi ilungersunartorsiorneq annertunerujartortoq, peqqinnissaqarfiup iluani peqqissaanermi suliani tamani atuuttoq nassuerutigaat. Naalakkersuisulli aalajangigassaq tamanna akuersissutigisassatut suliarinikuunngilaat, soorlu tamannarpiaq tunngavigalugu Naalakkersuisut aalajangigaq tamanna akuerinikuunngikkaat.

Sulinikkut illersorneqarsinnaasumik neqerooruteqarneq
Meeqqat inuusuttullu pillugit kigutigissaasarnermi kigutigissaanikkut sullissinermi anguniagaavoq kigutit inissisimanerini akornuteqarneq, akornusiisinnaasumik siumut naatsorsuutigineqarsinnaasumik imaluuniit atuuttumik aarlerinaat pinaveersaartissallugu suliarisinnaassallugulu.

Tamatumani meerartatta pitsaasumik atugassaqarnissaat qulakkeerniarlugu ilaqutariit, suliffeqarfiit aamma peqqinnissaqarfiup tungaaniit ataatsimut suliniuteqarnermik pisariaqartitsisoqarpoq. Pinaveersaartitsinermik suliniuteqarnerit sioqqullugit, taamaattumik naleqquttuuvoq nalilersussallugu inuiaqatigiit innuttaasunut sunik qanorlu neqeruussanersut.

»Meeqqanut neqerooruteqarnermik unitsitsineq aalajangigassaq annertuujuvoq, politikkikkut oqallinnerit aamma paasissutissiissutaasumik tunngaveqarluni aalajangiinerit piumasaqaataasut sioqqullugit atuutilersinnaanngitsoq, soorlu kigutigissaaneq pillugu nalunaarut nr. 15, 13. september 2006-imeersumi allassimasoq «, taama oqarpoq Naalakkersuisoq Martha Abelsen.

Sulilersitsiniarnermi ajornartorsiutit nuna tamakkerlugu innuttaasut naatsorsuutigisaannut annertuunut ataqatigiissillugit, suli peqqinnissaqarfimmi neqeroorutaasut sulinikkut illersorneqarsinnaasut sinaakkutaannut ilungersunartorsiortitsiartorput.


Naalakkersuisoq Martha Abelsen aggustip naannginnerani misissuititsinermik suliaqassaaq, tamatuma inernerinik Ilaqutariinnut Peqqissutsimullu Ataatsimiititaliamut saqqummiussissalluni, taamaasilluni neqeroorutit ingerlaannarnissaanut politikkikkut aalajangiisoqarsinnaassammat.

Peqatigitillugu Inatsisartut oktoberimi siunissami peqqinnissaqarfiup neqeroorutai pillugit takorluukkat pillugit isumasioqatigiinnissamut qaaqqusaapput, tassani sammisaq manna aamma oqallisigineqassaaq.

Misissuisarneq allanngortoq: Peqqinnissaqarfimmi aqutsisut erseqqissarpaat, bøjleliisarnermik unitsitsisarneq pineqanngitsoq, kisiannili sulilersitsiniartarneq ajornakusoortoq pissutigalugu bøjletaarnissamut misissuisarneq allanngortinneqartoq. Tamanna isumaqarpoq bøjletaarnissamut misissortinnissamut piumasaqaatit allanngornerinik. Peqatigitillugu pinaveersaartitsilluni suliniuteqarneq sakkortusarneqassaaq. Pissutsinut nutaanut ikaarsaarneq ingerlaavartuuvoq, ilaatigut pisut atuuttut eqqarsaatigalugit, kigutilerisumik immikkut ilisimasalimmik nakkutiginnittoqarnissaanut aamma misissuisoqarnissanut piumasaqaataasuni.

Ilanngullugu paasissutissiissutigineqarpoq nuna tamakkerlugu pinaveersaartitsilluni misissuinermi, ajoqutit, siunissami bøjlenik pisariaqartitsinermik kinguneqarsinnaasut pinaveersaartinnisarlugit angajoqqaat siusinaartumik ilinniartitaasarnissaat, kiisalu nunami illoqarfinni tamani meeqqanik klassini nukarlerniittunik siusissukkut misissuisarnissaq aamma ukiumoortumik nakkutiginnittaarnissaq, tassani kingusinnerusukkut bøjlenik pisariaqartitsinissaq eqqarsaatigalugu pinaveersaartinniarlugu kigutit paarlaannerat qanimut malinnaavigineqarnissaa ilaatinneqarmata.

Paasissutissat annertunerusut pillugit uunga attaveqarit Nalunaarut una pillugu apeqqutissaqaruit Peqqissutsimut Naalakkersuisoqarfik attavigisinnaavat: pn@nanoq.gl.