Meeqqanut inuusuttunullu aanngajaarniutinik ajornartorsiutilinnut pilersaarut

Naalakkersuisut meeqqanut inuusuttunullu aanngajaarniutinik aningaasanoortarnermillu ajornartorsiutilinnut neqeroorutinik pilersaarut maanna akueraat. Naalakkersuisoq Martha Abelsen oqarneratut: ”Meeqqanut inuusuttunullu aanngajaarniutinik ajornartorsiuteqartunut neqerooruteqarnissatsinnut amigaateqarnikooqaagut.

Atuutilernissaa qanimut malinnaavigissavara”.
Pilersaarut ukiuni tullerni pingasuni ataavartumik kommunini ataasiakkaani atuleriartuaassaaq. Ilisimaneqartutuut pitsaaliuinermi suliniutaareersunit, soorlu Kammagiitta (qinngasaarisarnermik pinaveersaartitsineq) aamma ThinkInuk (meeqqat tatitussusaat siuarsarlugu) tunngaveqarpoq.

Inuusuttunut aanngajaarniutinik ajornartorsiuteqaleriartuaartunut immikkut ittumik najukkami, atuarfimmi aamma ilinniarfeqarfinni sammisaqarnissaat neqerooruteqarnissaallu pilersaarutigineqarpoq, taakku ilutigalugit Qaqortumi, Nuummi, Sisimiuni, Aasianni aamma Ilulissani Allorfeqarfinni katsorsaaneq ingerlanneqartassalluni.
Taakku saniatigut angajoqqaat aanngajaarniutinik ajornartorsiuteqartunik meerallit aamma meeqqanut angerlarsimaffimmi aanngajaarniutimik ajornartorsiuteqarfimmi peroriartorsimasunut neqerooruteqalissaaq.

Martha Abelsen nangippoq: ”Nuannaarutigaara pilersaarut ersarilluinnarmat aamma atuutilersitsiniarneq meeqqanut inuusuttunullu neqeroorut Allorfimmi neqeroorutaareersut ataatsimuulersinneratigut pisariillisinneqarmat taamaasilluni ilaqutariinnut sullissiviit aamma kommunini suliniutinut suleqatigiissinnaanermut periarfissaqalerluni. Tamatta neqeroorutinut nutaanut tunngatillugu pilluarta”.

Paasisaqarnerujumallutit attavigiuk naalakkersuisoqarfimmi pisortaq Tine Pars oqarasuaatikkut.: +299 55 75 57 imaluunniit e-mailikkut: tine@nanoq.gl