Tunumi avaleraasartuunik pisassiissutit 70.411 tonsinut qaffanneqarput

Naalakkersuisut aalajangiipput Tunumi ukioq manna avaleraasartuunik pisassiissutit 59.729 tonsiniit 70.411 tonsinut qaffanneqassasut.

ICES Atlantikup avannaata kangiani avaleraasartuut pillugit siunnersuummik nutartikkamik ulloq 15. maj saqqummiivoq, taannalu malillugu siunnersuut 770.358 tonsinut qaffanneqarpoq. Nunat Avataleraasartuut pillugit Isumaqatigiissummi 2014-imeersumi nunat peqataasut, EU, Norge aamma Savalimmiut ataatsimiinnerni taakkunani aalajangiipput ICES siunnersuummini qaffaagaluartoq Avaleraasartuut pillugit Isumaqatigiissummi TAC allanngortinneqassanngitsoq. Kalaallit Nunaat aamma Island nunatut sinerialittut Avaleraasartuut pillugit Isumaqatigissummi peqataanngillat.

Kalaallit Nunaata 2019-imi avaleraasartuunik pisassiissutit ukioq manna siusinnerusukkut 59.729 tonsinut aalajangernikuai. 70.411 tonsit siusinnerusukkut pisassiissutigineqartut assigaat, kisianni ICES-ip 2019-imi avaleraasartuut pillugit siunnersuutaa nutartigaq malillugu qaffaannarlugit. Taamaalilluni avaleraasartuut pillugit Kalaallit Nunaannut 2019-imut TAC biologit siunnersuinerat naapertorlugu aaqqinneqarpoq.

Avaleraasartuunik pisassiissutit qaffanneqartut ingerlatsisunut Kalaallit Nunaanneersunik angallateqartunut akuerineqarnikunut agguaanneqarput.

Attaveqarfissaq: Jákup Emil Hansen, AC fuldmægtig, Aalisarnermut, Pinianermut Nunalerinermullu Naalakkersuisoqarfik. E-mail: jaeh@nanoq.gl