Narsarsuaq pillugu suleqatigiissitaq

Januaarip qaammataani 2019 Kommune Kujallermi Borgmesterip Kiista P. Isaksenip aamma Ine-qarnermut Attaveqaqatigiinneermullu Naalakkersuisup Karl Frederik Danielsenip Narsarsuup siu-nissaa pillugu suleqatigiissitaq pilersippaat.

Juunip 27-anni 2019 suleqatigiissitap nalunaarusiaq politikkikkut aqutsisoqatigiinnut saqqummiuppaa. Politikkikkut aqutsisoqatigiinnut uku ilaapput:

- Borgmesteri Kiista P. Isaksen
- Narsarsuarmi nunaqarfinni aqutsisut siulittaasuat Mouritz Karlsen,
- Inuussutissarsiornermut Nukissiuuteqarnermullu Naalakkersuisoq Jess Svane (Oqarasuaatikkut peqataasoq) aamma
- Ineqarnermut Attaveqaqatigiinnermullu Naalakkersuisoq Karl Frederik Danielsen

Politikkikkut aqutsisoqatigiit innersuusutigineqartut tusaatissatut tiguaat.

Politikkikkut aqutsisoqatigiinni ataatsimiinnerup sivitsorneqarnera ilutigalugu Narsarsuarmi innuttaasunut ataatsimiisitsisoqarpoq, nalunaarusiamilu innersuussutit nassuiarneqarlutik. Tamatuma kingorna apeqquteqaateqarnissamut isummersinnaanissamullu periarfissiisoqarpoq. Innuttaasunut ataatsimiisitsinermi innuttaasut miss. 20-t peqataapput.

Borgmesteri Kiista P. Isaksen oqaaseqarnermini taavaa: ”Nalunaarusiap innersuussutillu Narsarsuarmi innuttaasunut piaarnerpaamik saqqummikunneqarnissaat uatsinnut politikkikkut aqutsisoqatigiinnut pingaaruteqarsimavoq. Taamaammat innuttaasunut ataatsimiisitsisoqarpoq, soorluttaaq nalunaarusiaq kommunalbestyrelsimut nunaqarfinnilu aqutsisunut tunniunneqartoq. Maannakkut septembarip qeqqani kommunalbestyrelsip ataatsimiinnissaata tungaanut suliaq ingerlanneqassaaq, taamanikkornissami nalunaarusiaq oqallisigineqarumaarmat. Suliap ingerlanneqarnerani nalunaarusiaq innersuussutillu oqallisigineqassapput, innuttaasullu suli ataatsimiisinneqaqqissallutik. Suliap ingerlanneqarnerani innuttaasut peqataatinneqarnissaat kommunalbestyrelsip pingaartippaa.”

Naalakkersuisoq Karl Frederik Danielsenip oqaaseqarnermini taavaa: ”Narsarsuarmi innuttaasut ataatsimiisinneqarneranni nuannaarutigaara innuttaasut pimoorussillutik ataatsimeeqataasut naapissinnaagakkit. Soorlu Borgmesteri Kiista P. Isaksen uangalu ataatsimiinnermi oqaatigigipput innuttaasut tusarneqarnissaat ersersitsinerallu pingaaruteqarpoq. Maannakkut Kommune Kujallermi kommunalbestyrelsip Narsarsuup siunissami qanoq inissisimanissaa pillugu innersuussuteqartussanngorput, taakkulu aallaavigalugit Naalakkersuisut, Inatsisartuni ataatsimiititaliat Inatsisartullu suliaq nangissavaat. Taamaammat nalunaarusiap Kommune Kujallermi innuttaasunit kommunalbestyrelsimillu oqallisigineqarnissaa qilanaaraara, taamatullu 2019-imi septembarip qeqqata nalaani kommunalbestyrelsip innersuussutinik saqqummiinissaa qilanaaralugu.”

Paasissutissat erseqqarinnerusut pillugit attaveqarfigiuk Anders Samuelsen, Ineqarnermut Attaveqaqatigiinnermullu Naalakkersuisup allattaa, E-mail: ansa@nanoq.gl, Oq./Tel: +299 34 54 58, Mobil: +299 29 03 20 imaluunniit Borgmester Kiista P. Isaksen, Kommune Kujalleq, E-mail: kiis@kujalleq.gl og Erhvervs- og Arbejdmarkedschef Palle Frederiksen, Kommune Kujalleq, E-mail: pafr@kujalleq.gl, Mobil +299 55 33 08.


Narsarsuup siunissaa pillugu suleqatigiissitamit nalunaarusiaq

Toqqissisimanissaq pillugu inatsisitigut pisussaaffiliisumik isumaqatigiissusiorneq (suliffeqarnermut ineqarnermullu pilersaarut)

Akisussaaneq aamma piginnaatitaaneq pillugit allakkiaq

Tunngavissaq