Kalaallit Nunaata kitaani 2019-imi avataasiorluni ataqatigiissumik, aaqqissuussamik nakkutigineqartumillu saarullinniarnissaq

Ningittagarsuutit kilisaatillu sineriassortut mikinerusut Kalaallit Nunaanni angerlarsimaffeqartut ukioq manna Kalaallit Nunaata kitaani avataasiorluni ataqatigiissumik, aaqqissuussamik nakkutigineqartumillu saarullinniarsinnaapput.

Sinerissap qanittuanit pisassiissutinit 2.000 tonsit siunertamut tassunga atugassanngorlugit Naalakkersuisunit immikkoortinneqarput.

Ataqatigiissumik, aaqqissuussamik nakkutigineqartumillu aalisarneq avataani imartani - imartani NAFO immikkoortuini 1B -1E - siammasissumik ingerlanneqassaaq tassalu kujammut Nunarsuit nalaanniit avannamut Kitsissuarsuit tikillugit.

Ukioq manna pisarineqartut 100 %-imik tulaanneqartussaatitaapput suliffissaqartitsinermut sunniutigisinnaasaa sapinngisamik annerpaaq qulakkeerniarlugu.

Ataqatigiissumik, aaqqissuussamik nakkutigineqartumillu aalisarneq Pinngortitaleriffiup innersuussutai malillugit ingerlanneqassaaq.

Aalisarnermi peqataanissamut qinnuteqarfissaq kingulleq tassaavoq d. 12/7 2019.

Attaveqarfissaq Emanuel Rosing, Aalisarnermut, Piniarnermut Nunalerinermullu Naalakkersuisoqarfimmi immikkoortortaqarfimmi pisortaq. email: apnn@nanoq.gl